Eibarrek hiru puntuak bereganatu ditu Zaragozaren kontra (1-0), eta bi puntura du Leganes liderra
Eibarrek 1-0 irabazi dio Zaragozari, igande honetan, otsailaren 11n, Ipuruan jokatutako Hypermotion Ligako 26. jardunaldiko norgehiagoka. Ondorioz, armaginak sailkapeneko bigarren postuan daude, igoera zuzena ematen duen bigarrenean, 45 punturekin, Leganes liderrarekiko (47 puntu) bi puntura.
Talde armaginak bikain ekin dio neurketari, 7. minutuan gola sartu baitu; Tejerok hegaletik erdiratu, eta Bautistak ate barruan sartu du baloia (1-0), buruz erremate ona eginda.
Golaren ostean, nagusi izaten jarraitu du Eibarrek. Gainera, abantaila handitzeko aukera argia izan du 12. minutuan, baina Edgar Badia atezainak desbideratu egin du Sorianoren jaurtiketa. Hamabost minutu geroago, Bautista bakarrik geratu da Badiaren aurrean, eta atezainak gola saihestu du.
Zaragozak 35. minutuan izan du lehen abagunea, baina boleaz egindako errematea kanpora joan da. Lehen zatiko azken minutuak parekatuak izan dira, eta armaginak gol bateko errentarekin heldu dira atsedenaldira.
Bigarren zatiaren hasiera parekatua izan da. Bi taldeei asko kosta zaie abagune argiak sortzea. Zaragozak eman du lehen abisua, 64. minutuan; Mollejoren jaurtiketa, ordea, Luca Zidane atezainak gelditu du.
Azken txanpan, aurrerapausoa eman du Zaragozak lehia berdintzeko asmoz. Hala ere, Eibarrek neurketa erabakita uzteko aukera izan du, baina Stoichkovek area barrutik egindako jaurtiketa gurutzatua kanpora joan da.
Luzapeneko minutuetan, Eibarrek ez dio aukerarik eman Zaragozari, eta armaginek poltsikoratu dituzte hiru puntuak (1-0).
Fitxa teknikoa:
1. Eibar: Luca, Tejero, Berrocal, Arbilla, Cristian, Vencedor (Sergio Alvarez, 73. min), Matheus, Aketxe (Corpas, 73. min), Mario Soriano (Peru Nolaskoain, 64. min), Stoichkov eta Bautista (Sergio Leon, 85. min).
0. Zaragoza: Edgar Badia, Fran Gamez (Zedadka, 46. min), Lluis Lopez, Mouriño (Bakis, 78. min), Alejandro Frances, Francho, Antonio Moya (German Valera, 46. min), Marc Aguado, Victor Mollejo, Maikel Mesa (Vallejo, 87. min)e Ivan Azon (Sergi Enrich, 64. min).
Gola: 1-0. 7. min. Bautista.
Epailea: Daniel Jesus Trujillo. TXrtel horiak atera dizkie Berrocal (46. min) eta Matheus (83. min) jokalariei.
Zure interesekoa izan daiteke
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.