Eibarrek berdindu egin du Racing Ferrolekin (1-1), luzapenean penaltiz gola jasota
Eibarrek 1-1 berdindu du Racing Ferrolen aurka, igande honetan, otsailaren 4an, Malatan jokatutako Hypermotion Ligako 16. jardunaldiko norgehiagoka.
Igoera lortzeko aurkari zuzenak dira bi taldeak, eta puntu bana bildu ostean, armaginak sailkapeneko bigarren postuan daude, eta Galiziakoak hirugarren, 42na punturekin. Leganes liderra lau puntura dute.
Lehiak erritmo bizia izan du hasieratik. Eibarrek izan du lehen zatiko abagune argiena 11. minutuan, baina Cantero atezainak gelditu egin du Stoichkoven errematea; aurrelari armaginak Vencedorren pasea jaso du, baloia bularrarekin kontrolatu, eta errematea egin ostean, baloia atezainaren eskuetara joan da. Ondoren, parekotasuna izan da nagusi, eta bi taldeetako batek ere ez du gola sartzeko aukera argirik sortu.
Bigarren zatiaren hastapenean, 52. minutuan, Eibarrek gola sartu du; Bautistak egin du 0-1ekoa, hegaletik Tejerok egindako erdiraketa errematatuta.
Gola jaso ostean, etxeko taldeak erasora jo du, eta neurketa berdintzeko abaguneak izan ditu: horietako batean, Luca Zidane atezainak Racing Ferrolen gola eragotzi du, 77. minutuan, Heber Peñaren jaurtiketari erantzun ona emanda.
Bazirudien Eibarrek hiru puntuak poltsikoratuko zituela, baina epaileak penalti adierazi du etxeko taldearen alde, Vencedorrek area barruan baloia eskuarekin jo baitu. Horrela, bada, Sabin Merinok banakoa (1-1) jarri du markagailuan, penaltiz Zidane gaindituta.
Amaieran, berdinketa Malatan (1-1), eta puntu bat talde bakoitzarentzat.
Fitxa teknikoa:
1 - Racing Ferrol: Cantero, Delmas (Cubero, 70. min), Alex Martin (Clemente. 40. min), Castro, Moi Delgado, Nacho Sanchez (Vadillo, 80. min), Heber Pena (Merino, 80. min), Bernal, Manzanara (Manu Justo, 70. min), Iker Losada eta Alvaro Gimenez.
1 - Eibar: Luca Zidane, Tejero, Berrocal, Arbilla, Rios Reina, Vencedor, Sergio Alvarez (Nolaskoain, 61. min), Corpas (Aketxe, 61. min), Mario Soriano (Cristian, 81. min), Stoichkov (Konrad de la Fuente, 81. min) eta Bautista (Sergio Leon, 72. min).
Golak: 0-1, 52. min: Bautista. 1-1, 93. min: Sabin Merino (penaltiz).
Epailea: Milla Alvendiz. Txartel horia atera die Moi Delgado (9. min), Manzanara (56. min), Alvaro Gimenez (87. min), Clemente (95. min) eta Vadillo (95. min) Racing Ferroleko jokalariei, baita Aketxe (68. min) eta Cristian (87. min) Eibar taldekoei ere.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.