Eibarrek porrota jaso du Alcorconen aurka (1-0)
Eibarrek 1-0 galdu du Alcorconen aurka Santo Domingo futbol zelaian, igande honetan, abenduak 17, Hypermotion Ligako 20. jardunaldiko partida. Horrela, armaginek ez dute punturik batu, eta urrezko aukera galdu dute Sportingek eta Leganesek atzoko berdinketaren ostean ateratzen dioten aldea murrizteko.
Partida hasi eta berehala, maldan gora jarri zaio partida talde armaginari; izan ere, 8. minutuan iritsi da Alcorconen gola. Eibarren defentsak akats larria egin du Arbillaren (Iago Lopezen alboko zerbitzua ez du buruz jo) eta Zidanen artean, eta Chikik baloia sarera bultzatu besterik ez du egin behar izan.
Gol horrek partidaren hasierako dinamika areagotu du: bisitariaren nagusitasuna eta bertakoen erresistentzia. Lehen zatian, Eibarrek berdinketa lortzeko abagune nahikoak izan ditu, baina Jon Bautistak eta Stoichkovek ezin izan dute Lucas Anacker gainditu.
Atsedenaldiaren ostean, bisitarien nagusitasuna are handiagoa izan da. Jokaldien bidez lortutako aukerak ezin izan dituzte gauzatu, eta geldikako baloiak ere ez dituzte aprobetxatu. Neurketako gol bakarra kostatu zaion estrategiak ez dio ezer ekarri erasoan, eta Joseba Etxeberriaren taldeak amore eman du, azkenean, Alcorconen etxean.
Eibarrek bolada txarra luzatu du, Ligako azken zazpi partidetan garaipen bakarra lortuta, baina hogeigarren jardunaldia amaitu aurretik 31 puntu dituela, igotzeko play-offa jokatzeko postuetan dago.
Fitxa teknikoa
1 - Alcorcon: Lucas Anacker; Iago Lopez, Javi Castro, David Morillas, Xavier Quintilla; Víctor Garcia, Yan Eteki, Javi Lara (Javier Perez, 63. min), Jacobo Gonzalez; Koldo Obieta (Juan Ortola, 77. min) eta Cristian Borrego 'Chiki' (Juanma Bravo, 77. min)
0 - Eibar: Luca Zidane; Alvaro Tejero (Yanis Rahmani, 81. min), Frederico Venâncio (Stefan Simic, 68. min), Anaitz Arbilla, Jose Antonio Ríos Reina (Cristian Gutierrez, 58. min); Unai Vencedor, Matheus Pereira; Jose Corpas, Mario Soriano (Ager Aketxe, 58. min), Stoichkov; eta Jon Bautista.
Gola: 1-0, 8. min: Chiki.
Epailea: Daniel Jesus Trujillo Suarez. Txartel horia atera die Juanma Bravo Alcorconeko jokalariari (80. min) eta Frederico Venâncio (38. min) eta Unai Vencedor (55. min) Eibarko jokalariei.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.