Eibarrek 2-2 berdindu Andorrarekin, 60. minututik jokalari bat gutxiagorekin egonda
Eibarrek 2-2 berdindu du Andorrarekin, igande honetan, abenduaren 10ean, Ipuruan jokatutako Hypermotion Ligako 19. jardunaldiko partida. Ondorioz, armaginak sailkapeneko bosgarren postuan daude 31 punturekin.
Erritmo biziarekin ekin diote neurketari bi taldeek, baina Andorra izan da lehena aurkariaren atea zulatzen: Iker Benitok sartu du 0-1ekoa bosgarren minutuan, Petxarromanen erdiraketa errematatuta.
Armaginek azkar erantzun dute. Joseba Etxeberriak zuzendutako taldeak erasora jo du, eta Stoichkovek banakoa jarri du markagailuan (1-1), 23. minutuan, Gutierrezen pasea baliatu eta area barrutik egindako jaurtiketarekin Dani Martin atezaina gaindituta.
Golak hauspotuta, nagusi izan da Eibar lehen zatiko azken txanpan. Etxeko taldearen ekinak saria jaso du 35. minutuan, Samperrek bere atean sartutako golarekin (2-1).
Bigarren zatian erasokor zelairatu dira Eibar eta Andorra. Atsedenaldiaren osteko lehen ordu laurdena parekatua izan da, baina 60. minutuan gauzak zail jarri zaizkio talde armaginari, epaileak Sergio Alvarez egotzi baitu. Etxeko taldeko erdilariak bigarren txartel horia ikusi du Samperri egindako falta batengatik.
Ondoren, sufritzea tokatu zaio Eibarri. Etxeberriak zuzendutako mutilak Andorraren erasoko jokaldiei ondo eusten ibili dira, baina 79. minutuan epaileak kanpoko taldearen aldeko penaltia adierazi du, Arbillak eskuarekin moztu baitu area barruan Scheidlerren jaurtiketa. Manu Nietok egin du penalti jaurtiketa eta binakoa jarri du markagailuan (2-2).
Gainera, luzapenean, Luca Zidane atezainak eragotzi du talde bisitariaren garaipena, NIetoren jaurtiketari erantzun bikaina emanda. Azkenean, berdinketa (2-2) eta puntu bana talde bakoitzarentzat.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.