Eibarrek 1-2 irabazi dio Cartagenari, eta hobetzen jarraitzen du
Eibarrek bigarren garaipena jarraian lortu du ostiral honetan 2023-2024 denboraldiko LaLiga Hypermotion txapelketan, sailkapeneko beheko postuetan hondoratu den Cartagenari 1-2 irabazita.
Racing Ferrolen aurka hiru porroteko bolada txarra hautsi ostean heldu dira armaginak Cartagonova estadiora, eta hiru puntu garrantzitsu lortu dituzte, azken postuan jarraitzen duen Cartagena mendean hartuta.
Bisitariak hobeak izan dira lehen 45 minutuetan, eta markagailuan aurrea hartu dute 24. minutuan, Ager Aketxek egindako golari esker (0-1). Gainera, atsedenaldira arte eutsi diote abantaila horri.
Bigarren zatiko bigarren minutuan (47.ean), ordea, Juan Carlos Realek etxekoen gola sartu du, markagailua parekatzeko (1-1).
Berdinketaren ostean, etxekoak hazi egin dira, baina Jairok txartel gorria ikusi du, eta, hortaz, Cartagena jokalari bat gutxiagorekin geratu da.
Hala, talde armaginak baloiaren jabetza berreskuratu du, agintzen hasi da eta Stoichkovek gol erabakigarria sartu du 65. minutuan (1-2).
Azkenean, Eibarrek garaipena bereganatu du, eta hiru puntu gehiago eskuratu ditu.
Fitxa teknikoa:
1 - Cartagena: Raúl Lizoain; Jansson (Iván Calero, 83. min), Kiko Olivas, Alcalá, Fontán (Arnau Solà, 81. min), Jairo Izquierdo; Luis Muñoz (Iván Ayllón, 81. min), Hevel, Alarcon; Juan Carlos Real (Embaló, 71. min) eta Juanjo Narváez (Alfredo Ortuño, 71. min).
2 - Eibar: Luca Zidane; Álvaro Tejero, Berrocal, Arbilla, Cristian Gutiérrez; Sergio Álvarez, Matheus Pereira, Ager Aketxe (José Corpas, 63. min), Stoichkov (Qasmi, 85. min); Mario Soriano (Unai Vencedor, 85. min) eta Quique (Rahmani, 74. min).
Golak: 0-1, 24. min: Ager Aketxe. 1-1, 47. min: Juan Carlos Real. 1-2, 65. min: Stoichkov.
Epailea: Alejandro Quintero González. Txartel horia atera die Luis Muñoz, Embaló, Stoichkov, Sergio Álvarez, Mario Soriano, José Corpas eta Unai Vencedor jokalariei; gorria, berriz, Jairori.
Zure interesekoa izan daiteke
Hirugarren porrota jarraian jaso du Eibarrek (1-2)
Bigarren zati osoan zehar Eibar partidaren agintea hartzen saiatu da markagailuari buelta emateko, baina ez da posible izan eta hirugarren porrota jarraian jaso du.
Altonagaren golak garaipena eman dio Eibarri Logroñon (0-1)
Eibarrek 0-1 gainditu du Logroño F Moeve Ligako 13. jardunaldian. Arene Altonagak sartu du armaginei garaipena eman dien gola.
Pontevedra-Eibar Errege Kopako norgehiagokaren laburpena (0-3)
Eibarrek partida serioa egin du Pontevedran eta Errege Kopako final-hamaseirenetarako sailkapena lortu du. Javi Martonek, Corpasek eta Magunazelaiak egin dituzte Beñat San Joseren taldearen golak.
Eibarrek partida serio eta eraginkorra egin du Pontevedran, Kopan sailkapena lortzeko (0-3)
Javi Martonek, Corpasek eta Magunazelaiak egin dituzte Beñat San Joseren taldearen golak. Galiziako futbol-zelaiaren baldintzetara egokitzen jakin dute armaginek.
Eibarrek jipoia jaso du Santanderren (4-0)
Armaginak ez dira Racingen maila berdintzeko gai izan, eta jaitsiera postuetan jarraitzen dute.
Eibarrek denboraldiko kontuak onartu ditu botoen % 88,2rekin
Batzarrean 899 akziodun izan dira, aurrez aurre edo telematikoki parte hartu dutenak. Horiek 16.463 akzio ordezkatu dituzte, hau da, % 35,6.
Eibarrek Zaragoza azken sailkatuaren aurka galdu du Ipuruan (1-2)
Armaginak aurreratu dira markagailuan, Peru Nolaskoainek sartutako golari esker, baina Zaragozak emaitza irauli du, 27. minututik jokalari bat gutxiagorekin aritu bada ere.
Eibarrek puntu bat eskuratu du Sportingen aurka (1-1)
Talde armaginak Molinonen eten nahi zuen etxetik kanpoko bolada txarra, baina 1-1eko emaitzarekin konformatu behar izan du. Partidako golegileak Jose Corpas (Eibar) eta Jonathan Dubasin (Sporting) izan dira, azken hori penaltiz.
Eibarrek penaltiei esker garaitu du Albacete (3-2)
Talde armaginak garaipena behar zuen, eta birritan irauli behar izan du markagailua, baina gaur hiru puntuak etxean geratu dira.
Adu Aresi ebakuntza egingo diote ezker belaunean eta Albaceteren aurkako lehia galduko du
Eibarreko aurrelaria ebakuntza gelara eramango dute ostegun honetan, Donostian, ezker belaunean dituen molestiak tratatzeko.