Eibarrek lider jarraitzen du Granadan berdindu ostean (1-1)
Granadak eta Eibarrek bana (1-1) berdindu dute Los Carmenes futbol-zelaian. Bertan, euskal taldeak SmartBank Ligako lidergoa sendotu du, sei jardunaldi irabazi gabe egon arren.
Granadak izan ditu hasierako aukera apurrak Lehen Mailara itzultzeko lehian ari diren taldeen arteko lehia zuzenean, baina ez da oso fin ibili. Lehen zatian, bi taldeek errespetu gehiegi erakutsi diote elkarri.
Antonio Puertasek kanpora bota du baloia partidaren hasieran, eta atsedenaldira iritsi aurreko minutuetan Luca Zidane atezainak Yann Bodiger frantziarraren eta Myrto Uzuni albaniarraren golak eragotzi ditu.
Gidoia ez da aldatu atsedenaldiaren ostean, baina ordu betera dena aldatu da, eibartarren lehen hurbilketa arriskutsua Jon Bautistak aprobetxatu baitu 0-1ekoa sartzeko, Anaitz Arbillak zuzenean jaurtitako falta baten ondoren.
Alvaro Tejerok partida erabakita uzteko aukera izan du, baina 0-2koa barkatu du eta Eibarrek garesti ordaindu du, 71. minutuan Granadak berdinketa lortu baitu Gustavo Blanco Leschuk argentinarrak bere atean sartutako golari esker, Bryan Zaragozaren erdiraketa desbideratzen saiatu denean.
Talde gipuzkoarra hobeto aritu da partidaren azken txanpan, baina talde batek ere ez du aukera argirik eman azken berdinketa hausteko.
Fitxa teknikoa
1 - Granada: Raul Fernandez; Quini, Rubio, Ignasi Miquel, Carlos Neva; Bodiger (Pol Lozano, 77. min), Petrovic (Sergio Ruiz, 74. min), Melendo (Weissman, 74. min), Callejon (Bryan, 61. min); Antonio Puertas (Famara, 74. min) eta Uzuni.
1 - Eibar: Luca Zidane; Tejero (Nolaskoain, 90. min), Venancio, Arbilla, Rios Reina; Sergio Alvarez, Javi Muñoz, Matheus, Corpas (Quique, 68. min), Stoichkov (Luis Rioja, 68. min); Jon Bautista (Blanco Leschuk, 68. min).
Golak: 0-1, 60. min: Jon Bautista. 1-1, 71. min: Blanco Leschuk, bere atean.
Epailea: Galvez Rascon. Txartel horia atera die Quini, Stoichkov eta Matheus jokalariei.
Zure interesekoa izan daiteke
Hirugarren porrota jarraian jaso du Eibarrek (1-2)
Bigarren zati osoan zehar Eibar partidaren agintea hartzen saiatu da markagailuari buelta emateko, baina ez da posible izan eta hirugarren porrota jarraian jaso du.
Altonagaren golak garaipena eman dio Eibarri Logroñon (0-1)
Eibarrek 0-1 gainditu du Logroño F Moeve Ligako 13. jardunaldian. Arene Altonagak sartu du armaginei garaipena eman dien gola.
Pontevedra-Eibar Errege Kopako norgehiagokaren laburpena (0-3)
Eibarrek partida serioa egin du Pontevedran eta Errege Kopako final-hamaseirenetarako sailkapena lortu du. Javi Martonek, Corpasek eta Magunazelaiak egin dituzte Beñat San Joseren taldearen golak.
Eibarrek partida serio eta eraginkorra egin du Pontevedran, Kopan sailkapena lortzeko (0-3)
Javi Martonek, Corpasek eta Magunazelaiak egin dituzte Beñat San Joseren taldearen golak. Galiziako futbol-zelaiaren baldintzetara egokitzen jakin dute armaginek.
Eibarrek jipoia jaso du Santanderren (4-0)
Armaginak ez dira Racingen maila berdintzeko gai izan, eta jaitsiera postuetan jarraitzen dute.
Eibarrek denboraldiko kontuak onartu ditu botoen % 88,2rekin
Batzarrean 899 akziodun izan dira, aurrez aurre edo telematikoki parte hartu dutenak. Horiek 16.463 akzio ordezkatu dituzte, hau da, % 35,6.
Eibarrek Zaragoza azken sailkatuaren aurka galdu du Ipuruan (1-2)
Armaginak aurreratu dira markagailuan, Peru Nolaskoainek sartutako golari esker, baina Zaragozak emaitza irauli du, 27. minututik jokalari bat gutxiagorekin aritu bada ere.
Eibarrek puntu bat eskuratu du Sportingen aurka (1-1)
Talde armaginak Molinonen eten nahi zuen etxetik kanpoko bolada txarra, baina 1-1eko emaitzarekin konformatu behar izan du. Partidako golegileak Jose Corpas (Eibar) eta Jonathan Dubasin (Sporting) izan dira, azken hori penaltiz.
Eibarrek penaltiei esker garaitu du Albacete (3-2)
Talde armaginak garaipena behar zuen, eta birritan irauli behar izan du markagailua, baina gaur hiru puntuak etxean geratu dira.
Adu Aresi ebakuntza egingo diote ezker belaunean eta Albaceteren aurkako lehia galduko du
Eibarreko aurrelaria ebakuntza gelara eramango dute ostegun honetan, Donostian, ezker belaunean dituen molestiak tratatzeko.