Eibarrek bolada ona geldiarazi du Andorraren aurka (0-0)
Andorrak, 60. minututik bat gutxiagorekin jokatu duenak Sergio Molinak bigarren txartel horia ikusi ostean, Eibarrek jarraian lortutako bost garaipenen bolada ona moztu du berdinketa batekin Ipuruan.
Berdintasuna izan da nagusi partidaren lehen ordu laurdenean. 30. minutuan Sergio Molinak Zidaneri jaurtiketa gogorra egin dio urrutitik eta armaginen atezaina sakon lantzera behartu du. Bakisen jaurtiketak ere langan jo du.
Euskal taldea lehen zatiko azken minutuetan esnatu da, baina ez aurkaria estu hartzeko adina.
Eibarrek indar gehiago erakutsi du atsedenaldiaren ostean eta Andorrako defentsaren gaineko presioa areagotu du.
60. minutuan Sergio Molinari bigarren txartel horia atera dio epaileak eta Andorra hamar jokalarirekin geratu da. Garitanok aulkia mugitu eta Aketxe eta Stoichkov zelaian sartzeko aprobetxatu du erasoan indar gehiago izateko.
Stoichkov izan da, hain zuzen ere, Eibarren aukerarik argiena izan duena 66. minutuan. Driblatu eta jaurti egin du, baina Rattik arriskua eten du luzapen on batekin.
68. minutuan, Nolaskoainek area kanpotik egin du proba eta bere jaurtiketa apur bat desbideratuta atera da. Eibarrek ez du Andorraren gutxiagotasun egoera alferrik galdu nahi izan eta 72.ean Stoichkov berriro saiatu da urruneko jaurtiketa batekin.
Azken minutuetan Eibar jaun eta jabe izan da, 86.ean Aketxeren jaurtiketa batekin eta 88.ean Vadilloren jaurtiketa batekin. Azken aukera, Berrocalena, 93. minutuan, atearen albo batean amaitu da.
Fitxa teknikoa
0.- Eibar: Luca, Sergio Alvarez, Venancio, Berrocal, Arbilla, Nolaskoain, Matheus (Tejero, 68. min), Corpas (Aketxe, 62. min), Javi Muñoz (Stoichkov, 62. min), Rahmani (Rahmani, 79. min) eta Jon Bautista (Blanco Leschuk, 79. min).
0.- Andorra: Ratti, Alti, Pastor, Mika Marmol, Pampin, Hector (Bover, 70. min), Aguado (Adri, 86. min), Molina, German (Carlos, 86. min), Bakis (Almpanis, 86. min) eta Jacobo Gonzalez (Ivan Gil, 68. min).
Epailea: Daniel Jesus Trujillo. Txartel horia atera die Matheus, Javi Muñoz, Berrocal eta Venancio jokalariei eta Eder Sarabia entrenatzaile bisitariari. Sergio Molina kanporatu du bi txartel hori aterata.
Zure interesekoa izan daiteke
Hirugarren porrota jarraian jaso du Eibarrek (1-2)
Bigarren zati osoan zehar Eibar partidaren agintea hartzen saiatu da markagailuari buelta emateko, baina ez da posible izan eta hirugarren porrota jarraian jaso du.
Altonagaren golak garaipena eman dio Eibarri Logroñon (0-1)
Eibarrek 0-1 gainditu du Logroño F Moeve Ligako 13. jardunaldian. Arene Altonagak sartu du armaginei garaipena eman dien gola.
Pontevedra-Eibar Errege Kopako norgehiagokaren laburpena (0-3)
Eibarrek partida serioa egin du Pontevedran eta Errege Kopako final-hamaseirenetarako sailkapena lortu du. Javi Martonek, Corpasek eta Magunazelaiak egin dituzte Beñat San Joseren taldearen golak.
Eibarrek partida serio eta eraginkorra egin du Pontevedran, Kopan sailkapena lortzeko (0-3)
Javi Martonek, Corpasek eta Magunazelaiak egin dituzte Beñat San Joseren taldearen golak. Galiziako futbol-zelaiaren baldintzetara egokitzen jakin dute armaginek.
Eibarrek jipoia jaso du Santanderren (4-0)
Armaginak ez dira Racingen maila berdintzeko gai izan, eta jaitsiera postuetan jarraitzen dute.
Eibarrek denboraldiko kontuak onartu ditu botoen % 88,2rekin
Batzarrean 899 akziodun izan dira, aurrez aurre edo telematikoki parte hartu dutenak. Horiek 16.463 akzio ordezkatu dituzte, hau da, % 35,6.
Eibarrek Zaragoza azken sailkatuaren aurka galdu du Ipuruan (1-2)
Armaginak aurreratu dira markagailuan, Peru Nolaskoainek sartutako golari esker, baina Zaragozak emaitza irauli du, 27. minututik jokalari bat gutxiagorekin aritu bada ere.
Eibarrek puntu bat eskuratu du Sportingen aurka (1-1)
Talde armaginak Molinonen eten nahi zuen etxetik kanpoko bolada txarra, baina 1-1eko emaitzarekin konformatu behar izan du. Partidako golegileak Jose Corpas (Eibar) eta Jonathan Dubasin (Sporting) izan dira, azken hori penaltiz.
Eibarrek penaltiei esker garaitu du Albacete (3-2)
Talde armaginak garaipena behar zuen, eta birritan irauli behar izan du markagailua, baina gaur hiru puntuak etxean geratu dira.
Adu Aresi ebakuntza egingo diote ezker belaunean eta Albaceteren aurkako lehia galduko du
Eibarreko aurrelaria ebakuntza gelara eramango dute ostegun honetan, Donostian, ezker belaunean dituen molestiak tratatzeko.