Eibarrek hiru puntuak poltsikoratu ditu Burgosen aurka (1-0) eta laugarren garaipena jarraian bereganatu du
Eibarrek irabazi egin du Burgosen aurka (1-0) martxoaren 11n Ipuruan jokatutako SmartBank Ligako 31. jardunaldiko partida eta armaginek igoera postuetan jarraitzen dute. Jon Bautistak sartu du neurketako gol bakarra, 34. minutuan. Laugarren garaipena jarraian bereganatu du Gipuzkoako taldeak.
Eibarrek erasokor ekin dio norgehiagokari; Burgosek, aldiz, atzean sartuta. Azkar eman du lehen abisua talde armaginak, baina Caro atezainak desbideratu egin du Stoichkoven jaurtiketa; gainera, aldaratzean, Carok erantzun paregabea eman dio Nolaskoainen erremateari. Lan eskerga izan du Carok hasierako minutuetan, eta 15.ean ere Eibarren gola saihestu du Rahmaniren errematea geldituta. Zazpi minutu beranduago, Rahmanik area kanpotik egindako jaurtiketa kanpora joan da oso gutxigatik.
Burgosen erantzuna 25. minutuan iritsi da, baina Artolari aurrera hartu dio Luca Zidane atezainak euskal aurrelaria errematea egiteko prest zegoenean.
Bazirudien lehia golik gabe iritsiko zela atsedenaldira, baina ez da hala izan, Bautistak 1-0ekoa jarri baitu markagailuan; aurrelari armaginak ate barruan sartu du baloia Matheusen erdiraketa bikain errematatuta, 34. minutuan.
Lehen zatia amaitu aurretik Burgosek izan du gola sartzeko aukera argia, baina Luca Zidanek gelditu egin du Atienzaren jaurtiketa.
Bigarren zatiaren hasiera lehenengoaren oso antzekoa izan da; hau da, Eibar erasokor zelairatu da, eta Burgosen helburua izan da aurkariari eragoztea Carok babestutako ate ingurura iristea.
Dena den, Burgosek izan du bigarren zatiko lehen abagunea Goldarrek langa gainetik kanpora bidali duen errematearen bidez. Beranduago etorri da Eibarren erantzuna, baina Carok desbideratu egin du Bautistaren jaurtiketa.
Partidako azken txanpan Eibarrek kontrolpean izan du neurketa. Burgos urruneko jaurtiketen bidez saiatu da berdinketaren gola lortzen, baina ez ditu armaginak gehiegi estutu, eta Eibarrek poltsikoratu ditu hiru puntuak.
Fitxa teknikoa:
1 - Eibar: Luca, Sergio, Venancio, Berrocal, Arbilla, Nolaskoain, Matheus, Corpas (Aketxe. 75. min), Stoichkov (Muñoz, 60. min), Rahmani (Quique, 75. min) eta Bautista (Blanco Leschuk, 75. min).
0 - Burgos: Caro, Areso, Córdoba (Valcarce, 70. min), Goldar, Fran Garcia, Navarro (Mumo, 58. min), Elgezabal, Atienza, Curro (Castel, 70. min), Artola (Bermejo, 58. min (Hernandez, 86. min) eta Gaspar.
Gola: 1-0, 34. min. Bautista.
Epailea: Ivan Caparros. Txartel horiak atera dizkie Matheus (15. min), Navarro (54. min), Nolaskoain (74.min) eta Gaspar (94. min) jokalariei.
Zure interesekoa izan daiteke
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.