Eibarrek 2-0 menderatu du Vila-real B Ipuruan, eta Las Palmasekin berdindu du lehen postuan
Eibarrek 2-0 menderatu du Vila-real B Ipurua futbol zelaian, ostiral gauean, eta, 53 puntu dituela, Las Palmasekin berdindu du SmartBank LaLigako lehen postuan. Yanis Rahmanik, 31. minutuan, eta Ager Aketxek, azken minutuetan, hain zuzen luzapenerako zazpi geratzen zirela, Gaizka Garitanoren taldearen golak egin dituzte. Eibarrek partida ona egin du, eta Vila-real B ere fin ibili da, kalitatea erakutsita, neurketa entretenigarrian.
Eibar hasieratik ahalegindu da zelai erdia kontrolatzen, arerioaren atera iritsi ahal izateko, eta lehen minutuetan ondo estu ditu bisitariak. Jon Bautistak, 13. minutuan, gola egin du, baina jokoz kanpo zegoen, argi. Pixkanaka, Vila-real B Luca Zidaneren ingurura gerturatzen hasi da; izan ere, maila handiko hainbat jokalari gazte ditu. Eroso dago Ligan, sailkapeneko erdian.
Lehen ordu erdia beteta, korner batean, Yanis Rahmanik gol ederra sartu du. Eibarreko hegalekoak lehen erdiraketaren aldaratzea jaso du, eta sareetara bidali du baloia, jaurtiketa gogor eta trebe baten bidez. Atezainak ezin izan du ezer egin gola saihesteko.
Eibarrek behar zuen tokia zeukan partida, eta, atsedenaldiaren ostean, Gaizka Garitanoren taldeak ildo beretik jarraitu du, indartu eta sendo. Luca Zidanek, bigarren zatiko 23. minutuan, geldiketa bikaina egin du, 1-1ekoa salbatzeko; gauzak horrela, pentsatzeko modukoa zen Vila-real Bk, azken minutuetan, erritmoa eta abiadura handituko zituela, berdinketaren bila.
Baina Ager Aketxek, bere maila erakutsita, 83. minutuan, 2-0ekoa jarri du. Ezker hanka zoragarria du Aketxek, eta beste behin agerian utzi du hori; aldaratzea eskuratuta, areara sartutako baloi baten ostean, jaurtiketa oso polita egin eta gola sartu du.
Eibarrek, horrenbestez, ezin hobeto ireki du 29. jardunaldia. Nolabait, "hemen gaude" esan die lehen postuetan dauden gainerako taldeei. Hiru puntu gehiago, eta armaginak onenen parean.
Fitxa teknikoa:
2 - Eibar: Luca, Sergio Alvarez, Venancio, Berrocal, Arbilla, Peru Nolaskoain, Matheus, Troncho (Aketxe, 64. min.), Stoichkov (Vadillo, 87. min), Rahmani (Quique, 70. min) eta Bautista (Blanco Leschuk, 70. min).
0 – Vila-real B: Gianni, Carreira (Iosifov, 81. min), Dela, Iñiguez, Tasende (Romero, 81. min), Haissem (Collado, 46. min), Del Moral, Carlo, Pacheco (Mbacke, 46. min), Fores (Fer Niño, 46. min) eta Millan.
Golak: 1- 0, 31. min, Rahmani. 2-0, 84. min, Aketxe.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.