Eibarrek ezin izan die Cartagenaren gol goiztiarrei aurre egin (0-3)
Eibarrek 0 eta 3 galdu du Cartagenaren aurka SmartBank Ligako 27. jardunaldian. Armaginak hotz zelairatu dira eta konturatzerako 0-2 atzetik zeuden markagailuan. Jairok 2. minutuan eta Borja Vallek 4. minutuan maldan gora jarri dizkiete gauzak gipuzkoarrei. Garitanorenak ez dira partida iraultzeko gai izan eta 69. minutuan Efesek hirugarrena egin du.
Garitanoren taldeak ezin okerrago ekin dio partidari. Laugarren minutua betetzerako 0-2 galtzen hasi dira Ipuruakoak. Bigarren minutuan egin du lehenengoa Cartagenak. Ivan Martosek area kanpotik jaurti eta, Luca Zidanek gelditu badu ere, aldaratzea Jairori erori zaio eta Tenerifekoak ez du barkatu.
Eibarri lehen kolpetik jaikitzeko denborarik eman gabe, Efesek bigarren gola erdietsi du Borja Valleren eskutik. Oscar Ureñak hegaletik baloia erdiratu eta Berrocal atzelariak irrist egin du Vallek baloia sarera bidaltzeko.
Partida asko gogortu da hortik aurrera. Cartagenak emaitza mantentzeko apustua egin du eta Eibarrek ez du abagune argirik izan. Imanolen erdiraketa bat izan da arrisku gehien sortu duen etxekoen jokaldia, izan ere, pozoitu eta Aaronek atepetik atera behar izan du.
Atsedenalditik partida berdintzeko asmoz zelairatu dira etxekoak. Stoichkovek aukera argia izan du Aaronen aurrean. Rahmanik baloi bikain bat jarri dio aurrelariari, honek, ordea, ez du asmatu baloia ondo jotzen eta jaurtiketa langaren gainetik joan zaio.
Etxekoek minutu onak izan dituzte baina ez dira gola sartzeko gai izan eta lepotik ordaindu dute. Partidak ordua bete berritan Cartagena hirugarrena egiteko puntuan egon da. Borja Vallek erdiraketa bat jaso du eta atzera pasea egin du buruz, Ortuño bakar-bakarrik zegeon Zidanen ate aurrean baina defentsa armaginak baloia urrundu du.
Hala ere, Cartagenakoek hirugarren gola sartzea lortu dute. De Blasis armagin ohiak egin du. Bat bikoa egin du erdilariak Peperekin eta partida erabakita utzi du 69. minutuan.
Eibar, gauzaez, partida galduta, 5. postura erori da. Igoeragatik borrokan ari diren talde guztiek garaipena lortu dute jardunaldi honetan eta Garitanok zuzendutako mutilek behera egin dute sailkapenean.
Fitxa teknikoa:
0 - Eibar: Luca, Corpas (Rahmani, 46. min), Venancio, Berrocal, Arbilla, Imanol, Javi Muñoz (Aketxe, 58. min), Nolaskoain (Aldai, 87. min), Matheus (Troncho, 87. min), Bautista (Quique, 75. min) eta Stoichkov.
3 - Cartagena: Aaron Escandell, Iván Calero, Kiko Olivas, Datkovic, Iván Martos (Alcala, 33. min), Pepe, Musto (Mikel Rico, 82. min), Ureña (Ortuño, 46. min), De Blasis, Jairo (Jansson, 70. min) eta Borja Valle (Yan Eteki, 70. min).
Golak: 0-1, 2. min: Jairo. 0-2, 4. min: Borja Valle. 0-3, 69. min: De Blasis.
Epailea: Francisco Hernández. Txartel horiak: Datkovic, Jon Bautista, Arbilla, Nolaskoain eta Calero.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.