Eibar Kopatik at geratu da, Ibiza Islas Pitiusasen aurka porrota jasota (1-0)
Eibarrek agur esan dio Errege Kopari asteazken honetan (abenduak 21) Ibiza Islas Pitiusasen aurka porrota jasota (1-0) bigarren kanporaketako partidan. Armaginak txapelketatik kanporatuta geratu dira Bigarren RFEF Mailako taldearen aurka galdu ostean.
Lehen zatia parekatua izan da, eta abagune gutxikoa. Bi taldeei kosta egin zaie gola sartzeko aukerak sortzea. Eibar izan da baloiaren jabe, baina aurkaria ondo ibili da defentsako lanean. Haizea izan da protagonista, eta eragotzi egin du maila handiagoko lehia ikusi ahal izatea.
Bigarren zatia biziago hasi da. Bi taldeak erasokor zelairatu dira, eta lehen minutuetan etxekoek izan dute abagunea; Eibarko defentsek ez dute ondo aldendu baloia, eta Sanchezek ez du erremate ona egin. Ia jarraian, area kanpotik egin du saiakera Ibiza Islas Pitiusas taldeak, baina jaurtiketa kanpora joan da langaren gainetik.
Ekinean jarraitu du Ibiza Islas Pitiusasek. Hala, 69. minutuan, etxekoek saria jaso dute; Juan Antonio Sanchezek gola sartu du (1-0), boleaz egindako errematearekin Yoel atezaina gaindituta.
Gola jaso ostean, saiatu da erantzuten Eibar eta berdintzetik gertu egon da 74. minutuan, baina Kellyan Garcia atezainak erantzun bikaina eman dio Blanco Leschukek urrunetik egin duen jaurtiketa onari.
Azken txanpan erasora jo du Eibarrek. Talde armagina erdiraketen bidez saiatu da, baina Ibizakoak ondo ibili dira defentsako lanean. Neurketako 90. minutuan Rahmanik jokaldi bikaina egin du, eta haren jaurtiketa Kellyan Garciak gelditu du. Azken minutuan bi abagune izan ditu Eibarrek: lehenengoan, Kellyan Garciak erantzun bikaina eman dio Venancioren erremateari, baloia kornerrera desbideratuta, eta hurrengo jokaldian, Venanciok berak kanpora bidali du errematea baloia penalti puntuan solte geratu ostean.
Amaieran, porrota jaso du Eibarrek (1-0), eta Errege Kopatik at geratu da.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.