Bana berdindu dute Eibarrek eta Las Palmasek (1-1)
Eibarrek ezin izan du berdinketatik pasa igoera lortzeko lehian arerio zuzena duen Las Palmasen etxean. Garitanok zuzendutako taldea galtzen hasi da, baina berehala berdindu du norgehiagoka.
Lehen zatia oso parekatua izan da. Las Palmasek eta Eibarrek aukerak tartekatu dituzte eta ez da jokoan bietako inor nagusitu. Hala ere, etxeko taldeak hartu du aurrea. 24. minutuan Sandrok ateratako korner batean Zidanek huts egin eta Alex Suarezek ate barrura bidali du baloia.
Eibarrek, baina, ez du denbora alferrik galdu eta bi minutu beranduago berdindu du norgehiagoka. Las Palmaseko atzelariak huts egin du bere area barruan egindako pase batean eta Quiquek baloia berreskuratu eta pasea eman dio Corpasi. Jaengoak, kontrol bikain baten ondoren, baloia sareratu du.
Lehen zatiko azken aukera garbia Eibarrek izan du. Garitanok zuzendutako taldea markagailuan aurretik jartzekotan egon da, baina atezainak Corpasi bat baten aurkakoa geratu dio lehenik eta Tejerori aldaratzean egindako jaurtiketa ondoren.
Banakoarekin heldu dira atsedenaldira eta aldageletatik bueltan etxeko taldea izan da nagusi. Lehen aukera kanariarrentzat izan da: Cocok jaurtiketa ikusgarria egin du urrunetik eta Luca Zidanek gogoz saiatu behar izan du gola ekiditeko.
Partidako aukera garbienetako bat 82. minutuan izan dute etxekoek. Korner batean prestatutako jokaldi bat egin eta area kanpotik Alberto Moleirok langara bidali du jaurtiketa.
Azken minutuetan jokoa estutu du Las Palmasek eta 87. minutuan, Rober Correak baloia goleko lerrotik bertatik atera du.
Azkenean, etxekoek ezin izan dituzte Garitanorenak mendean hartu eta lehen zatiko berdinketarekin amaitu da partida.
Fitxa teknikoa:
1 - Las Palmas: Álvaro Valles; Álex Suárez, Coco (Sidnei, 88. min), Eric Curbelo, Sergi Cardona; Loiodice, Mfulu, Óscar Clemente (Jonathan Viera, 61. min); Álvaro Jiménez (Pejiño, 70. min), Sandro (Marc Cardona, 70. min). (Enrique Clemente, 88. min) eta Moleiro.
1 - Eibar: Luca Zidane; Tejero, Venancio, Sergio Álvarez, Rober Correa, Imanol; Nolaskoain, Javi Muñoz (Matheus, 63. min); Corpas (Troncho, 74. min), Stoichkov (Blanco Leschuk, 74. min) eta Quique (Vadillo, 90+1. min).
Golak: 1-0, min. 24: Alex Suarez. 1-1, min. 26: Corpas.
Epailea: Víctor García Verdura. Txartel horia atera die Marc Cardona eta Enrique Clemente etxeko jokalariei, baita Corpas kanpotarrari ere.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.