Eibarrek igoera play-offeko finalean egoteko aurrerapausoa eman du, Gironari irabazita (0-1)
Eibarrek irabazi egin du Gironaren aurka (0-1) ostegun honetan (ekainak 2) jokatu duen SmartBank Ligako igoera play-offetako finalerdietako kanporaketako joaneko partida. Talde armaginak aurrerapausoa eman du finalera sailkatzeko. Itzuliko neurketa igandean (ekainak 5) jokatuko da Ipuruan.
Eibar erasokor zelairatu da Montilivin eta lehen abagunea seigarren minutuan izan du; Venancioren errematea, ordea, atepetik atera du Arnauk. Nagusi izan da talde armagina lehen zatian, eta, 21. minutuan gola sartzeko beste aukera bat izan du, baina Edu Expositoren jaurtiketa kanpora joan da, langa jo ostean. Eibarren ekinak saria jaso du 28. minutuan Aketxek sartu duen gol ikusgarriarekin (0-1); Eibar taldeko jokalariak urrutitik egin duen jaurtiketa Gironak babestutako ate barruan sartu da. Gola bikaina izan da.
Armaginen golaren ostean, etxeko taldea saiatu da berdinketaren bila jotzen, baina Eibar sendo ibili da defentsako lanean. Neurketa kontrolpean izan du Gipuzkoako taldeak. Hala ere, lehen zatiaren luzapenean, Tejero egotzi du epaileak eta Eibar jokalari bat gutxiagorekin geratu da. Minutu baten bi txartel horia ikusi ditu talde armagineko jokalariak. Baenari falta egin dio lehenengo, eta ia jarraian Baena bera kolpatu du.
Gironak atzean sartu du Eibar bigarren zatiaren hasieran. Etxeko taldeari kosta egin zaio abagune argiak sortzea, baina Stuanik eman du lehen abisua 56. minutuan , kanpora joan den erremate batekin. Hiru minutu beranduago Baenak baloia area barruan kontrolatu du, dena alde izan du gola sartzeko, baina talde armagineko jokalariak gainera bota zaizkio eta ezin izan du errematea egin. Sufritzea egokitu zaio Eibarri, eta atzean sartuta jarraitu du, Kataluniako taldeak huts bat egin, eta aurkariaren ate aurrean arriskua sortzeko aukeraren zain. Neurketako 70. minutuan saiakera egin du Quique Gonzalezek, baina haren jaurtiketa kanpora joan da.
Azken txanpan Gironak itsu-itsuan jo du erasora; Eibarrek, ordea, defentsako lan bikaina egin du, eta ez dio aukera gehiegirik eman etxeko taldeari. Gainera, 86. minutuan kontraerasoa antolatu dute armaginek, baina Leschukek ezin izan du errematatu Sergio Alvarezen erdiraketa. Amaieraraino ekinean jarraitu du Gironak, Eibarrek ondo eutsi du, eta partida armaginen aldeko 0-1eko emaitzarekin amaitu da.
Fitxa teknikoa:
0 - Girona: Juan Carlos; Arnau, Santi Bueno, Bernardo, Juanpe (Moreno, 46. min), Jairo; Pol Lozano (Ivan Martin, 46. mn), Aleix Garcia; Alex Baena, Samu Saiz (Nahuel Bustos, 74. min); eta Stuani.
1 - Eibar: Cantero; Rober Correa, Frederico Venancio, Chema Rodriguez, Alvaro Tejero; Sergio Alvarez, Edu Exposito (Xabier Etxeita, 88. min); Corpas (Arbilla, 46. min), Aketxe (Yanis Rahmani, 80. min), Quique (Toño Garcia, 88. min); eta Fran Sol (Blanco Leschuk, 63. min).
Gola: 0-1, 28. min: Aketxe.
Epailea: Milla Alvendiz. Txartel horia atera dio Stuani (42. min) Gironako jokalariari, baita y Chema Rodriguez (30. min), Sergio Alvarez (82. min), Cantero (87. min), Rober Correa (92. min) eta Yanis Rahmani (93. min) Eibar taldeko futbolariei. Alvaro Tejero Eibar taldeko jokalaria egotzi du bi txartel horia aterata, 47. eta 48. minutuetan, hurrenez hurren.
Zure interesekoa izan daiteke
Iñaki Goikoetxea, Eibarren entrenatzailea: "Momentu txarrean gaude, kosta egiten ari zaigu"
F Ligak etenaldia egingo du martxoaren erdialdera arte. Taldeek atseden hartzeaz gainera, dauzkaten indarguneak gogortu eta ahulguneak hobetzeko aprobetxatuko dituzte hurrengo egunak. Eibarren kasua da, Iñaki Goikoetxearen taldeak urrun antzean dauka jaitsiera, baina emaitza txarreko boladan dabil aspaldian.
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.