Eibarrek Elxen aurka galdu du penalti bat huts eginda
Eibarrek porrota jaso du Elxen aurka (0-1) Ipuiruan Ligako 4. jardunaldiko partidan. Armaginek puntu bakarra eskuratu dute momentuz Ligan eta garaipenik lortu gabe jarraitzen du.
Neurketari ez dio ondo ekin talde armaginak, bigarren minutuan abagunea izan baitu Elxek; Bigasek huts egin du defentsan, eta Dmitrovic atezainak desbideratu du Lucas Boyeren jaurtiketa indartsua. Ondoren, esnatu egin da Eibar, baloiaren jabe eginda, eta aurkariaren ate ingurura arriskua eramanda. Inuik 17. minutuan baloi ona jarri du arean, nahiz eta ez den inor iritsi errematera. Partidako 23. minutuan Reciok ezin izan du jokatzen jarraitu eta Sergio Alvarezek ordezkatu du. Mutok izan du armaginen lehen zatiko abagune onena; japoniarraren errematea, ordea, Badia atezainak gelditu du. Elxek ezer gutxi egin du erasoan, baina atsedenaldira iritsi orduko, 37. minutuan, Lucas Boyek 1-0ekoa sartu du area barruan baloia hartu eta jaurtiketa gurutzatua sare barrura bidalita.
Bigarren zatiari bizi eta erasokor ekin dio Eibarrek. Norgehiagokako 50. minutuan epaileak armaginen aldeko penaltia adierazi du Pere Millak baloia eskuarekin jo duelako area barruan. Jaurtiketa langa gainetik kanpora bidali du Edu Expositok. Elxek hamar minutu beranduago erantzun du Boyeren jaurtiketa on batekin, baina Dmitrovicek erantzun ona eman dio.
Ekinean jarraitu du Eibarrek, golaren bila, baina asko kosta zaio abagune argiak sortzea. Elx ondo kokatuta egon da, defentsako lanean arreta berezia jarriz, eta 84. minutuan gola sartzetik gertu egon da; Raul Guti, ordea, ez da errematea egitera iritsi. Luzapenean, Quique Gonzalezen jaurtiketa ondo gelditu du Badia atezainak, eta Elxek garaipena lortu du.
Fitxa teknikoa:
0 - Eibar: Dmtrovic, Tejero, Arbilla, Bigas (Burgos, 46. min), Kevin Rodrigues, Recio (Sergio Alvarez, 23. min), Edu Exposito, Pedro Leon, Inui (Kadzior, 73. min), Muto (Quique Gonzalez, 62. min) y Kike Garcia (Unai Arieta, 73. min).
1 - Elx: Badía; Josan, Verdu, Calvo, Josema; Fidel, Mfulu (Luismi, 88. min), Raul Guti (Ramon Folch, 93. min), Tete Morente, Pere Milla (Nino, 88. min) eta Boye (Kone, 82. min).
Gola: 0-1, 37. min: Lucas Boye.
Epailea: Jaime Latre. Txartel horiak atera dizkie Tejero eta Esteban Burgos Eibarko jokalariei, baita Tete Morente eta Josan Fernandez Elxeko futbolariei.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.