Eibarrek porrota jaso du Celtaren aurka
Eibarrek galdu egin du Celtaren aurka (2-0) Balaidosen eta bigarren porrota jarraian jaso du talde armaginak. Celtak aurreratu egin du Eibar sailkapenean, nahiz eta bi taldeak berdinduta dauden 35na punturekin.
Baloi jabetza hasieratik izan du Eibarrek eta erasokor zelairatu dira armaginak Balaidoseko berdegunera. Presio altua egin dio Eibarrek Celtari eta Vigoko taldeak sufritu egin du baloia jokatuta ateratzeko orduan. Neurketako 11. minutuan etorri da armaginen lehen abagunea, baina Ruben atezainak ondo geratu du Joan Jordanen jaurtiketa. Celtaren erantzuna bost minutu beranduago etorri da; Iago Aspasek jokaldi dotorea egin du, pase bikaina eman dio Maxiri eta Dmitrovic atezainak Celtaren gola eragotzi du. Eibar baloiaren jabe izan da, baina kosta egin zaio abagune argiak sortzea. Hala ere, bi abagune oso argi izan ditu talde gipuzkoarrak; 40. minutuan Kike Garciak gora bidali du errematea eta 43. minutuan Inuik abagune paregabea galdu du, ate aurrean kanpora errematatuta.
Bigarren zatian ere Eibar izan da baloiaren jabe lehen minutuetan, baina Celtak izan duen lehen abagunean, gola sartu du; Emre Morrek erdiratu eta Iago Aaspasek 1-0ekoa sartu du Arbillari aurrea hartu eta baloia sare barrura bidalita. Gola hartu ostean saiatu da Eibar berdinketaren bila jotzen, baina ez da gai izan abaguneak sortzeko. Golak lasaitasuna eman dio Celtari eta Vigoko taldeak Eibar kontrolpean izatea lortu du. Gainera, neurketako 79. minutuan, bigarren gola sartu du Celtak Maxi Gomezen bitartez (2-0) eta partida erabakita utzi du. Azken minutuetan, Celta nagusi izan da, Eibar ezinean ibili da, eta hiru puntuak Vigoko taldeak eraman ditu.
Fitxa teknikoa:
2 - Celta: Ruben Blanco; Hugo Mallo, Cabral (Rocanglia, min.87), Sergi Gomez, Jonny; Wass, Lobotka, Radoja (Hernandez, min.65), Pione Sisto (Emre Mor, min.46); Iago Aspas, Maxi Gomez.
0 - Eibar: Dmitrovic; Ruben Peña (Capa, min.72), Paulo, Arbilla, Cote; Alejo (Pedro Leon, min.60), Pape Diop, Jordan, Inui; Kike Garcia, Charles.
Golak: 1-0. Min.56: Iago Aspas; 2-0. Min.79: Maxi Gomez.
Epailea: Del Cerro Grande.
Zure interesekoa izan daiteke
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.