Leganesi irabazi eta Europa gertuago eduki nahi du Eibarrek
Eibarrek Leganesen aurka jokatuko du Santander Ligako 23. jardunaldian.
Armaginek mailari eusteaz bakarrik hitz egiten duten arren, sailkapenari begiratuta argi dago Leganesen irabaziz gero gipuzkoarrek Europako postuetan lo egingo dutela, igandean Sevillak Gironaren aurka egiten duenaren zain.
Hiru puntuak lortuta, Mendilibarren taldeak 35 izango lituzke, eta horrekin euren helburu nagusia, Lehen Mailan jarraitzea, ia ziurtatuta izango lukete.
Partidari begira, Mendilibarrek ezin izango du Sergi Enrich erabili, lesionatuta jarraitzen duelako, eta Pedro Leon eta Yoel ere jokatu barik geratuko dira. Biek sendagiria dute, baina oraindik ez daude erabat osatuta.
Leganesi dagokionez, Asier Garitanoren taldea Errege Kopatik kanpo geratu berri da, historiako parte-hartze onena eginda. Orain Liga dute erronka nagusia, eta hurrengo urtean Lehen Mailan jarraitzeko helburua ederto bideratuta dute.
Ustezko hamaikakoak
Leganes: Cuéllar; Tito, Muñoz, Bustinza, Raúl García; Rubén Pérez, Gabriel; Omar, El Zhar, Eraso; Guerrero.
Eibar: Dmitrovic; Peña, Arbilla, Ramis, Cote; Dani García, Jordán; Orellana, Charles, Inui; Kike García.
Epailea: González Fuertes (Asturiaseko batzordekoa).
Estadioa: Butarque.
Ordua: 18.30ean.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.