Eibarrek garaipena lortu du Espanyolen aurka eta jaitsiera postuetatik aldendu da
Eibarrek 3-1 irabazi dio Espanyoli Ipuruan, eta hirugarren garaipena jarraian eskuratu du Ligan. Hiru puntu hauei esker, jaitsiera postuetatik aldendu da Jose Luis Mendilibarrek zuzentzen duen taldea.
Azkar bideratu dute partida armaginek, 8. minutuan aurrea hartu baitute markagailuan. Arbillak maisuki jaurti du falta bat, baloiak langa jo du, aldaratzea Kike Garciari iritsi zaio, eta aurrelariak 1-0ekoa egin du baloia sarera bidalita. Armaginak baloiaren jabe egin dira gola sartu ostean, baina Espanyolek berdintzeko aukera izan du 17. minutuan; Gerard Morenok, ordea, ez du asmatu Dmitrovic atezainaren aurrean. Ordutik aurrera, Eibarrek kontrolpean izan du neurketa, baina kostatu egin zaio abagune argiak sortzea. Etxeko taldea jaun eta jabe izan da, baina 33. minutuan Darderren jaurtiketak langa jo du; Espanyolek ez du gutxigatik partida berdindu. Etxeko taldea, ordea, erabat nagusi izan da, eta nagusitasun horrek saria jaso du Ivan Alejok sartu duen golarekin (2-0). 38. minutuan, Sergi Enrichek baloia berreskuratu du, Alejori eman dio eta honek bikain amaitu du jokaldia.
Bigarren zatian ere, Eibar izan da nagusi. Mendilibarrek zuzentzen duen taldearen nagusitasuna erabatekoa izan da. Bigarren 45. minutuetan, aldiz, ez da abagune askorik egon. Bi taldeek ez dute gol aukera asko sortu. Neurketako 67. minutuan, David Lopezek penaltia egin dio Sergi Enrichi, eta Joan Jordanek 3-0ekoa egin du hamaika metroko puntutik. Hirugarren golak erabakita utzi du partida, baina 79. minutuan Espanyolek aldea murriztu du Sergi Enrichek bere atean sartutako golarekin (3-1). Azken minutuetan, Espanyolek ez du Eibar estutasunetan jarri, eta talde armaginari ez dio garaipenak ihes egin.
Fitxa teknikoa:
3- Eibar: Dmitrovic; Capa, Oliveira, Arbilla, Junca (Cote, 50. min); Dani Garcia (Escalante, 76. min), Jordan, Alejo, Enrich, Inui, Kike Garcia (Sarriegi, 86. min).
1 - Espanyol: Pau Lopez; Victor Sanchez, David Lopez, Mario Hermoso, Aaron; Jurado (Melendo, 62. min), Darder, Javi Fuego (Granero, 54. min), Piatti; Sergio Garcia (Baptistao, 5. min), Gerard Moreno.
Golak: 1-0 (8. min), Kike Garcia. 2-0 (37. min), Ivan Alejo. 3-0 (69. min), Jordan (penaltiz). 3-1 (79. min), Enrich (bere atean).
Epailea: Undiano Mallenco.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.