Eibarrek beste hiru puntu lortu ditu (3-1)
Eibar Las Palmasen gainetik pasatu da ostegun honetan bi taldeek Ipuruan jokatutako partidan. Gipuzkoarrak 3 eta 1 gailendu dira, arazo handirik gabe, kanariarrek neurketa oso kaskarra jokatu dutelako.
Armaginek Las Palmasen aurka Lehen Mailan lortzen duten lehen garaipena da gaurkoa, Quique Setienen taldearen aurkako azken lau partidetan galtzaile atera baitira aurreko bi denboraldietan.
Eibarrek bere gain hartu du partidaren erritmoa lehen minututik, eta bere ekinak saria izan du. Bebek egin du lehen gola 13. minutuan, Antonio Lunak emandako pasea baliatuz. Bebe Inui zigortuaren ordez aritu da gaur.
Mendilibarren taldeak bereari eutsi dio eta bigarren golaren bila aritu da. Kike Garciak Beberen pasea jaso eta atera jaurti du. Baloiak Aythami Artiles atzelaria jo du, eta ate barrura sartu da.
Quique Setienek atsedenaldian jokalariei esandakoek eragina izan dute, kanariarren jarrera erabat aldatu baita. Horrela, Mauricio Lemosek kanpotarren gola (gol ikusgarria) egin du falta jaurtiketa baten bidez.
Hala ere, pozak gutxi iraun die kanariarrei, hurrengo jokaldian epaileak penaltia adierazi baitu Eibarren alde. Adrian Gonzalezek 3 eta 1ekoa egin du baloia ate barrura sartuta.
Fitxa teknikoa
3 - Eibar: Yoel; Capa, Ramis, Lejeune, Antonio Luna; Escalante (Christian Rivera, 60. min), Dani García; Pedro León (Rubén Peña, 61. min), Adrián, Bebé; eta Kike García (Sergi Enrich, 81. min).
1 - Las Palmas: Raúl Lizoain; David Simón, Aythami Artiles, Mauricio Lemos, Hélder Lopes; Montoro; Momo, Halilovic, Roque Mesa (Hernán, 85. min), Jonathan Viera (Prince Boateng, 72. min); eta Livaja (Jesé, 77. min).
Golak: 1-0, 13. min, Bebé; 2-0, 23. min, Artils (bere atean); 2-1, 61. min, Mauricio Lemos; 3-1, 62. min, Adrián (penaltiz).
ián (penaltiz).Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.