Eibarrek porrota jaso du Real Madrilen aurka
Eibarrek 1-4 galdu du Real Madrilen aurka Ipuruan. Hasieratik amaieraraino ezinean ibili da talde armagina eta Zidanek zuzentzen duen taldeak partida oso ona egin du.
Bizi hasi da norgehiagoka, baina abagune argirik gabe. Real Madrilek iritsiera arriskutsu bat izan du lehen minutuetan eta Eibarrek ia jarraian erantzun dio. Minutuak aurrera joan ahala Real Madril armaginen atera gerturatzen hasi da, eta lehen abagunean Benzemak 0-1ekoa sartu du, 14. minutuan; Yoel atezainak erantzun ona eman dio frantziarraren lehen erremateari, baina ezin izan du ezer egin bigarren aukeran. Eibar golari erantzuten saiatu da, baina Escalantek egin duen jaurtiketa kanpora joan da, langa gainetik. Ondoren, 25. minutuan, Benzemak bigarren gola (0-2) egin du Real Madrilentzat Jamesek ateratako falta bat sare barrura errematatuta. Zidanek zuzentzen duen taldearen bigarren golak min egin dio Eibarri eta hiru minutu beranduago James Rodriguezek egin du 0-3koa Benzemaren pase on bat jaso ostean. Lehen zatiko azke txanpan Sergio Ramosek armaginen gola eragotzi du, eta Yoel atezainak erantzun onak eman dizkie Benzemaren eta Asensioren erremateei.
Bigarren zatiaren hasieran Real Madrilek abagune argi bat izan du, baina Benzemak gurutzatuegi egin du jaurtiketa eta lasterrean Danilo bikain gurutzatu da Ruben Peñaren jartiketaren aurrean Eibarren gola eragotziz. Norgehiagokako 61. minutuan James Rodriguezek zutoinera bidali du jaurtiketa eta Marco Asensiok 0-4koa egin du aldaratzea sare barrura bidalita. Eibarrek erasora jo du partidaren azken txanpan eta ohorearen gola egitea lortu du Ruben Peñaren bitartez (1-4), 72. minutuan. Azken minutuetan talde bakoitzak abagune bana izan du, baina ez da gol gehiago egon Ipuruan.
Fitxa teknikoa:
1 - SD Eibar: Yoel; Capa, Mauro Dos Santos, Ramis, Antonio Luna (Arbilla, m. 54); Dani García, Escalante, Pedro León (Inui, m. 86), Adrián (Christian Rivera, m. 62), Rubén Peña; eta Sergi Enrich.
4 - Real Madril: Keylor Navas; Danilo, Pepe, Ramos, Nacho; Modric (Kovacic, m. 70), Casemiro, James (Isco, m. 74); Lucas Vazquez, Benzema (Mariano, m. 64) eta Asensio.
Golak: 0-1. m. 13. Benzema; 0-2. m. 24. Benzema; 0-3. m. 28. James Rodriguez; 0-4. m. 59. Marco Asensio; 1-4. m. 71. Ruben Peña.
Epailea: Jose Luis Gonzalez Gonzalez.
zalez.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.