Zaplaztekoa Ipuruan (2-3)
Las Palmasek irauli egin du Eibarrek Ipuruan irabazita izan duen partida, Errege Kopako final-zortzirenetako joaneko norgehiagokan.
Bi entrenatzaileek aldaketa ugari egin dituzte hasierako hamaikakoetan, Ligan ateratakoekin alderatuta.
Lehena gola egiten talde armagina izan da. Izet Hajrovicek ederto aprobetxatu du Verdik emandako pase bikaina, David Juncak zuzendutako kontraerasoaren ondorioz.
Banakoa sei minutu geroago egin du Aythami Artiles atzelariak, Valeronek ateratako falta bat buruarekin errematatuz.
Neurketa hautsi egin da, eta bi taldeek erasora jo dute, lotsa barik. Gauzak horrela, Eibar berriro aurretik jarri da (2-1) Saul Berjonek egindako golari esker. Pasea David Juncak eman dio.
Berdinketa eta azken kolpea
Atsedenaldiaren ostean, erritmoak behera egin du, eta hori kanariarren mesederako izan da.
Binakoa Wakasok sartu du, areaz kanpotik egindako jaurtiketa ikusgarri baten bidez.
Epaileak Izet Hajrovic eta Escalante kanporatu ditu, jokaldi ezberdinetan, eta armaginak bederatzi jokalarirekin geratu dira.
Azken kolpea, hala ere, iristeke zegoen, eta Momok eman du, kanariarren hirugarren gola 90. minutuan sartuta.
Fitxa teknikoa
2 - Eibar: Xabi Iruretagoiena; Lillo, Dos Santos, Ekiza, David Juncà (Antonio Luna, 72. min); Eddy Silvestre (Escalante, 69. min), Adrián; Hajrovic, Verdi, Saúl Berjón; eta Borja Bastón (Sergi Enrich, 46. min).
3 - Las Palmas: Raúl Lizoain; David Simón, David García (Alcaraz, 56. min), Aythami, Javi Garrido; Roque Mesa, Culio (Vicente Gómez, 70. min); Momo, Valerón, Wakaso; eta Asdrúbal (Jeremy Betancor, 30. mi).
Goleak: 1-0. 9. min. Hajrovic; 1-1. 15. min. Aythami; 2-1. 19. min. Saúl Berjón; 2-2. 60. min. Wakaso; 2-3. 90. min. Momo.
Zure interesekoa izan daiteke
Eibarrek ezin izan du Elxen aurka (0-1), eta Errege Kopatik kanpo gelditu da
Adam Boayar Elxeko jokalariak egin du, 27. minutuan, final hamaseirenetako kanporaketan erabakigarria izan den gola, Ipuruan. 71. minutuan, Dituro atezainak penalti bat gelditu dio Jose Corpasi.
Eibarrek Valladoliden aurkako partidarako sarrerak oparituko ditu jostailu berrien truke
Talde gipuzkoarrak kanpaina solidario bat martxan jarri du, Gurutze Gorrierekin elkarlanean, kanpainaren helburua, zailtasunak dituzten familiei, joku eta jostailu hezigarri, berri, “ez belikoak” eta “ez sexistak” ematea da.
Eibarrek merituzko puntua lortu du Atleticoren aurka (2-2)
Eibarrek bina berdindu du igande honetan Atletico Madrilen aurka F Moeve Ligako 14. jardunaldiko partida. Carla Andresek eta Emma Morenok aurretik jarri dituzte armaginak, Jensenen golari erantzunez, baina Boe Risak markagailua parekatu du, penaltiz.
Eibarrek puntu gazi-gozoa lortu du Kordoban (0-0)
Talde armaginak berdinketa lortu du Kordobaren aurka etxetik kanpo, baina bosgarren neurketa pilatu du garaipenik lortu gabe, eta, ondorioz, jaitsierako postuetan jarraitzen du.
Hirugarren porrota jarraian jaso du Eibarrek (1-2)
Bigarren zati osoan zehar Eibar partidaren agintea hartzen saiatu da markagailuari buelta emateko, baina ez da posible izan eta hirugarren porrota jarraian jaso du.
Altonagaren golak garaipena eman dio Eibarri Logroñon (0-1)
Eibarrek 0-1 gainditu du Logroño F Moeve Ligako 13. jardunaldian. Arene Altonagak sartu du armaginei garaipena eman dien gola.
Pontevedra-Eibar Errege Kopako norgehiagokaren laburpena (0-3)
Eibarrek partida serioa egin du Pontevedran eta Errege Kopako final-hamaseirenetarako sailkapena lortu du. Javi Martonek, Corpasek eta Magunazelaiak egin dituzte Beñat San Joseren taldearen golak.
Eibarrek partida serio eta eraginkorra egin du Pontevedran, Kopan sailkapena lortzeko (0-3)
Javi Martonek, Corpasek eta Magunazelaiak egin dituzte Beñat San Joseren taldearen golak. Galiziako futbol-zelaiaren baldintzetara egokitzen jakin dute armaginek.
Eibarrek jipoia jaso du Santanderren (4-0)
Armaginak ez dira Racingen maila berdintzeko gai izan, eta jaitsiera postuetan jarraitzen dute.
Eibarrek denboraldiko kontuak onartu ditu botoen % 88,2rekin
Batzarrean 899 akziodun izan dira, aurrez aurre edo telematikoki parte hartu dutenak. Horiek 16.463 akzio ordezkatu dituzte, hau da, % 35,6.