Eibar Europako postuetan sartu da, Rayori 1-0 irabazi ostean
Eibarrek sendo jarraitzen du BBVA Ligan eta gipuzkoarrak Europan jokatzeko eskubidea ematen duten postuetan sartu dira jada. Mendilibarrenek partida ona jokatu dute Ipuruan, eta Rayori 1 eta 0 irabazi diote, gol gehiago sartzeko aukera izan duten arren.
Armaginen lehen abisua neurketako lehen minutua iritsi da. Borja Bastonek aukera izan du, baina Toño atezaina zuhur ibili eta bere areatik ateratzeko denbora izan du Eibarreko aurrelariaren errematea aldentzeko.
Lehen minutuetan partidak ez du jaberik izan, eta bi taldeek erasora jo dute, oztopo handirik gabe.
Madrildarrek izan duten aukerarik onena Bebek izan du 11. Minutuan. Riesgo, hala ere, bikain aritu da eta baloia ukitzeko aukera izan du, brasildarrak egindako erremate gurutzatua atean sartzea ekiditeko.
20. minutuan iritsi da Eibarren gola. Borja Bastonek baloia eskumako aldetik erdiratu eta Llorentek desbideratu egin du gola bere atean eginez.
Hortik aurrera iritsi dira armaginen minuturik onenak. 22.ean, Keko urrutitik saiatu da eta errematea kanpora joan zaio, gutxigatik, langa ukituta.
Atsedenaldiaren ostean, Rayok hartu du jokoaren kontrola. Berdinketa bilatu dute, baina zorte handirik gabe. Eibarrek ere ez dio erasoari uko egin, eta bigarren gola egiten saiatu dira, partida erabakita uzteko.
Bi penalti Rayoren arean
Armaginek aukera oso argia izan dute bigarren gola egiteko, 64. minutuan, baina Keko, Borja eta Saul ez dira baloia atean sartzeko gai izan.
Epaileak, gainera, ez ditu Eibarren alde izandako bi penalti adierazi, oso argiak biak: Borja Bastoni area barruan heldu diote baloia errematatzera joan denean, eta beste jokaldi batean, Rayoko jokalari batek eskuarekin aldendu du baloia.
Azken minutuetan, garaipena ziurtatuta zegoenean, Lillok debuta egin du aurtengo denboraldian, abuztuan izandako ebakuntzatik osatuta.
Fitxa teknikoa
1 - Eibar: Riesgo; Capa, Dos Santos, Pantic, David Juncà; Escalante, Dani García; Keko, Verdi (Sergi Enrich, 59.min), Saúl Berjón (Inui, 74.min); eta Borja Bastón (Lillo, 87.min).
0 - Rayo Vallecano: Toño; Tito (Manucho, 69.min), Zé Castro, Llorente, Rat; Trashorras, Raúl Baena; Bebé, Jozabed (Pablo Hernández, 53.min), Ebi Ebert (Lass, 64.min); eta Javi Guerra.
Gola: 1-0. 20.min Llorente (bere atean).
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.