Eibarrek porrotarekin esan dio agur urteari (0-1)
Eibarrek porrotarekin esan dio agur 2014. urteari. Gipuzkoarrek porrota jaso dute Valentziaren aurka (0-1), Ipuruan, Ligako 16. jardunaldiko neurketan.
Lehen zatia parekatua eta lehiatua izan da, hutsune gutxikoa. Armaginek ondo oztopatu dute bisitarien jokoa, aurre egin diete eta markagailua estreinatzeko parada ere izan dute. Piovaccari 17.ean saiatu da, baina Diego Alvesen geldiketak gola saihestu du.
Valentziak 31. minutuan estreinatu du markagailua, Alcacerrek, kontraeraso batean, egindako golari esker. Eibarrek lanean jarraitu du, eta Arruabarrena neurketa berdintzeko zorian izan da 35.ean, baina bere jaurtiketa Alvesek gelditu du.
Bigarren zatiko lehen ordu laurdenean ez da ezer gertatu, baina 61.ean Valentziaren bigarrena egiteko aukera ederra izan du Alcacerrek, baina bere bolea kanpora joan da, oso gutxigatik. Lau minutu geroago Eibarrentzat izan da abagunea, baina Alves erabakigarria izan da berriro ere, eta ez dio Arruabarrenari errematatzen utzi.
Baloia Garitanoren taldearena zen, baina sortutako arriskua eskasa izan da, eta Valentziak etxekoen erasoak geldiaraztea izan du helburu. Ondo defendatu dute bisitariek, eta markagailuko errentari eutsi diote amaiera arte.
Fitxa teknikoa:
0 - Eibar: Xabi Iruretagoiena; Boveda (Capa, 77'), Albentosa, Raul Navas, Lillo; Boateng, Dani Garcia; Manu del Moral (Lekic, 68'), Arruabarrena, Saul Berjon (Abraham, 46'); eta Piovaccari.
1 - Valentzia: Diego Alves; Orban, Otamendi, Mustafi; Feghouli (Barragan, 58'), Javi Fuego, Dani Parejo, Piatti (Gaya, 70'); R. de Paul (Rodrigo, 90'); Negredo, eta Paco Alcacer.
Gola:
0-1. 30'. Paco Alcacer
. Paco AlcacerZure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.