Athletic partida zoro batetik bizirik atera da Leonen, eta aurrera egin du Kopan (3-4)
Lehen zatian sei gol izan dira, eta partida hirutan berdintzeko gai izan da Valverderen taldea. Atsedenaldiaren ostean, Paredesi txartel gorria atera diote eta talde zuri-gorria jokalari bat gutxiago zuela geratu da. Unai Gomezek luzapenean penaltiz sartutako golak erabaki du neurketa.
Athleticek bizirik ateratzea lortu du Leonen jokatutako partida zorotik, eta Errege Kopako final-laurdenetarako sailkatu da Cultural Leonesa 3-4 kanporatuta, luzapenean.
Cultural Leonesaren partida hasiera onak saria izan du. Nico Williamsek etxekoen taldeko atezainaren eskuetara egindako jaurtiketa baten ondoren, Calerok Leongo taldea aurreratu du markagailuan, 16. minutuan.
Ondoren, Iñaki Williamsek baloi bat errematatu du area barruan, baina ez du aterik aurkitu. Hurrengoan, aldiz, Guruzetak area barruan baloia harrapatu eta asmatu ere egin du, 25. minutuan, Bañuz gaindituz.
Hala ere, pozak gutxi iraun dio Valverderen taldeari, hurrengo jokaldian Calerok Leongo taldea aurreratu baitu berriro. Epaileak gola baliogabetu egin du, hasiera batean jokoz kanpoa adierazi duelako, baina VARrak baliozkoa zela ebatzi du.
Minutu batzuk geroago Guruzetak Leongo taldeak baloiaren irteeran egindako akatsa aprobetxatu du. Galarretak baloia lapurtu eta pase ona eman dio gipuzkoarrari, eta aurrelari zuri-gorriak beste jaurtiketa on batekin gainditu du etxekoen atezaina.
Hala ere, Athleticen ahulezia agerian geratu da berriro, Vivianek penalti argi-argia egin baitu, area barruan baloia eskuarekin ukitu du eta. Epaileak penaltia adierazi, eta Sobrinok baloia sarera bidali du.
Beste kolpe gogor bat jaso arren, Ernesto Valverderen taldeak markagailua berriz orekatu du atsedenaldira iritsi aurretik. Nico Williamsek burukada batekin zutoinera bidali du baloia eta aldaratzea bereganatu ostean, Leongo atzelariak penaltia egin dio. Sancetek penaltia jaurti du, eta baloia sareetara bidali. Bañuzek atezaina nafarraren jaurtiketa ukitu besterik ezin izan du egin.
Atsedenaldiaren ostean, Athletic sendoago zegoela zirudienean, Paredesi txartel gorria atera diote. Dirudienez, erdiko atzelari zuri-gorriak zerbait esan dio epaileari edo marrazainari. Valverdek Yuri berdeguneratu du, defentsa indartzeko asmoz. Viandar de la Verako entrenatzaileak Areso eta Unai Gomez ere sartu ditu zelaian.
Bigarren zatia Culturalen hurbilketa arriskutsuren batekin eta Athleticen saiakera antzuekin, batez ere geldikako jokaldietan, amaitu da. Bilera luzapenera joan da ezinbestean.
Luzapenean, Yayok laugarren aldiz aurreratu du Leongo taldea, area txikian erori den baloia aprobetxatuta. Atzelari zuri-gorriak ez dira gai izan behin baino gehiagotan baloia aldentzeko. Hala ere, gola baliorik gabe utzi du epaileak, berrikusi ondoren jokoz kanpo zegoela adierazi baitu.
Handik gutxira, Unai Gomezek zuzendutako kontraeraso bikain batean, bermeotarrak zutoinera bidali du baloia, baina ondorengo aldaratzea Nico Williamsek kontrolatu du, eta Yayok penaltia egin dio. Unai Gomezek gola egin du hamaika metroetatik, eta zuri-gorriak aurreneko aldiz markagailuan aurretik jarri ditu. Bañuz baloia ukitzera iritsi da, baina ez da nahikoa izan jaurtiketa desbideratzeko.
Fitxa teknikoa:
3- Cultural Leonesa: Bañuz; Victor Garcia, Fornos, Barzic, Hinojo (Tomas Ribeiro, 105.m); Maestre, Diallo (Ojeda, 64.m); Ivan Calero (Chacon, 77.m), Bicho (Yayo, 46.m), Sobrino (Lucas Ribeiro, 64.m) eta Manu Justo (Collado, 99.m).
4- Athletic: Padilla; Gorosabel (Areso, 66.m), Vivian, Paredes, Lekue (Adama, 104.m); Ruiz de Galarreta (Yuri, 58.m), Jauregizar, Sancet (Unai Gomez, 66.m); Nico Williams, Iñaki Williams (Navarro, 83.m) eta Guruzeta (Izeta, 83.m).
Epailea: Alejandro Hernandez. Culturaleko Diallo (63.m) eta Ojedari (93.m) txartel horia atera die; Athleticen aldetik, Paredesi txartel gorria atera dio (55.m); eta Sancet (62.m), Yuri (93.m) eta Izetari, (94.m) horia.
Golak: 1-0, Ivan Calero (16. min); 1-1, Guruzeta (26. min); 2-1, Ivan Calero (27. min); 2-2, Guruzeta (37. min); 3-2, Sobrino (40. min); 3-3, Sancet (47. min); 3-4, Unai Gómez (102. min).
11.004 ikusle bildu dira Reino de Leon futbol-zelaian.
Zure interesekoa izan daiteke
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.
Edin Terzicen Athletic berriak ilusioa berpiztu du zale zuri-gorrien artean: “Proiektu oso ona da”
Bilboko taldeak, ostegunean, Lezaman, zaleen aurrean egin du entrenamendua; 500 bat izan dira bertan. Edin Terzic entrenatzaile berriak utzitako lehen sentsazioak onak dira, EITBk egin dituen elkarrizketetan ikusten denez.
Terzicen Athleticek Derio garaitu du denboraldiaurreko lehen partidan (0-3)
Athleticek denboraldiaurreko lehen lagunartekoa jokatu du gaur Derioren aurka Portugaleten. Terzicen taldea garaile atera da 0-3ko markagailuarekin, eta hiru golak bigarren zatian iritsi dira. Maroan Sannadik zelaia utzi du, belaunetako batean min hartu du eta.
Athletic lanean hasi da, Victor Martinen esanetara: “Taldea ausarta, erasokorra, joko alai eta ikusgarria izatea nahi dut”
Bizkaiko taldeak lehen entrenamendua egin du, Lezaman, entrenatzaile berriarekin. Irene Oguizak, kapitainetako bat bera, nabarmendu du garrantzitsua dela, denboraldiaurrean, jokalariak klubera iritsi berri den talde teknikora egokitzea.
Nico Serranok gihar-lesio arina du, eta ez da taldekideekin aritu
Jokalari nafarrak ezker hankako zuzen femorala du minduta.
Josean Lekuek Nico “ondo" dagoela ziurtatu du, eta iragan denboraldia esparru medikoan aspaldiko “txarrena" izan zela onartu du
Hala ere, "antzeko metodologiarekin", 2024-2025 denboraldian Athleticek laugarren amaitu eta Europa Ligako finalerdiak jokatu zituela, eta azken hamarkadako "onena" izan zela gaineratu du buruzagi mediko zuri-gorriak.
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.