Athletic Hiria berriz aldatu dute tokiz: Torre Sevilla merkataritza gunetik hurbil dagoen orubean egongo da
Athletic Hiria, Athletic-Mallorca Errege Kopako finala dela eta Sevillan egongo diren Athleticeko zaleak bilduko dituen gunea (finala apirilaren 6an jokatuko dute, 22:00etan), bigarrenez aldatu dute lekuz, ostiralean, eta Torre Sevilla merkataritza gunetik hurbil dagoen orubean egongo da, Banderetako Orubean. Bilboko klubak adierazi duenez, toki hori orain arte iragarritako bi kokapenak dauden eremu berean dago, Magallanes parketik eta Andaluziako Arte Garaikideko Zentrotik gertu. Andaluziako Gobernuak eskatu du aldaketa, eta Athletic "haserre" agertu da, "ustekabeko aldaketa hori dela eta".
Testuinguru horretan, Athleticen arabera, Espainiako Futbol Federazioak jakinarazi dio "bertan behera" utzi duela Athleticeko zaleentzako gunea Andaluziako Arte Garaikideko Zentroan kokatzeko lortutako akordioa, eta, hortaz, Athletic Hiria beste toki batean kokatuko dutela. Euskal klubak azaldu duenez, "Athletic Hiria Andaluziako Arte Garaikideko Zentroan kokatzeko akordioa hasierako kokalekuak Athleticen zaleek behar zuten gune seguru bat izateko baldintzak ez zituelako betetzen hartu zen" aurreko astean, "eta hala ondorioztatu zuten Polizia Zuzendaritza Nagusiak, Andaluziako Juntak eta Espainiako Federazioak". Magallanes Parkea "espazio txikiegia zen Sevillan Athleticen inguruan bilduko den jendetza hartzeko, eta, gainera, bertan zeuden zuhaitzek partida pantaila erraldoien bidez ikustea eragozten zuten, sarrerarik gabe bidaiatuko duten milaka zaleentzat", gehitu du Athleticek.
Athletic Hiriaren behin betiko kokapena, Banderetako Orubea, "Torre Sevilla merkataritza gunetik oso hurbil dago, Expo 92 eta Carlos III etorbideen artean, aurreko bi kokalekuen ia eremu berean. Orube horrek Andaluziako Arte Garaikideko Zentroaren antzeko baldintzak betetzen ditu", esan du Bizkaiko klubak.
Zuzenketa hori "ezustea" izan da Athleticentzat, klubak "astebete baino gehiago baitzeraman konfirmatutako kokalekuan lanean". Dena dela, "zaleei zerbitzu onenak eta Kopako finalerako ekitaldi programa erakargarri bat eskainiko zaizkie", Athleticen hitzetan. Egoera honetan, Athletic "haserre agertu da, ustekabeko aldaketa hori dela eta".
Azkenik, Athleticek bere zale guztiei jakinarazi dienez, "dagoeneko, lanean ari da, leku berri honetan, Athletic Hiria ahalik eta gunerik onena izan dadin". "Guztion artean festa zuri-gorri handia biziko dugu!", nabarmendu du Athleticek.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.