Zozketan saritutako Athleticeko bazkideak martxoaren 25ean hasiko dira finaleko sarrerak erosten, astelehenean
Errege Kopako finalerako sarreren zozketan saria izan zuten Athleticeko bazkideak datorren astelehenean hasiko dira sarrera horiek erosten, hau da, martxoaren 25an, Bilboko klubak asteazkenean iragarri duenez. Klub zuri-gorriak xehetasunak eman ditu apirilaren 6an izango den eta Sevillako Cartuja zelaian jokatuko duten Athletic-Mallorca Kopako finaleko sarrerak erosteko prozesuaren gainean; hala, sarrera bat erosteko eskubidea duen bazkide bakoitzak datorren asteko egun bat du zehaztuta, hilaren 25etik 29ra bitartean, eta egun horretatik aurrera egin ahalko du erosketa, soilik online, Espainiako Futbol Federazioaren ordainketa plataforma baten bidez. Martxoaren 30ean, alegia, sarrerak erosteko azken egunean, zozketan saritutako edozein bazkidek izango du aukera, oraindik, sarrera erosi eta bereganatzeko.
Zozketan saria izan zuten Athleticeko bazkideek 17.848 sarrera dituzte eskuragarri, eta klub zuri-gorriak zehaztu du merkeenek 40 euroko prezioa izango dutela, ikuspen gutxiko ikusgarritasuneko sarrera batzuen kasuan, eta garestienak, ordea, 220 eurokoak izango direla.
Cartujan izateko aukera duten bazkide guztiek Athleticek bidalitako posta elektroniko bat jasoko dute, eta, horretan, Espainiako Federazioaren erosketa plataformarako sarbidea izango da; kontuan izanik bakoitzak zozketan saria izan zuen zein zenbaki duen, futbol zelaian zer tokitan egon nahi duen aukeratu ahalko du, eta hori ordaindu, egun zehatz batetik aurrera.
Athleticeko hainbat bazkidek binaka edo hiruko edo lauko taldetan eman zuten izena zozketan; talde horietan, talde buruak izango du erosketa gauzatzeko ardura. Euskal klubak nabarmendu du birsalmenta "erabat debekatuta" dagoela, "legez", eta ohartarazi du, halaber, "ofiziala ez den edozein salmenta kanalen aurrean".
Erosketa, arestian esan bezala, online egin behar da, halabeharrez, eta sarrerak digitalak izango dira, ez da sarrera "fisikorik" izango. Sarrerak finalaren arratsaldean aktibatuko ditu Espainiako Federazioak, partida hasi baino lau ordu lehenago, hau da, 18:00etan (finala 22:00etan hasiko da). Sarrera bakoitzak hori erabiliko duen zalearen NAN zenbakia eta izen-abizenak izango ditu jasota; horrek ez du zertan izan zozketan saria izan duen bazkidea bera, baina sarrerako datuek bat egin behar dute, nahitaez, erabiliko duen zalearen NANeko datuekin.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.