Kopako finalerako Athleticen sarreren zozketaren emaitza: 603.212tik 626.208ra dauden zenbakiak
Ostegun eguerdian San Mamesen egindako Errege Kopako sarreren zozketaren arabera, 603.212 eta 626.208 arteko zenbakiak dituztenek izango due aukera apirilaren 6an Sevillan Athleticek eta Mallorcak jokatuko duten finalerako sarrerak erosteko. Datorren martxoaren 25ean ipiniko dituzte salgai, eta klubak azaldutakoaren arabera, izena zehaztea ezinbestekoa izango da.
Zozketaren emaitzak gehienez sarrera bat erosteko eskubidea ematen du, saritutako zenbaki tarte horretan bazkide bakoitzak zenbaki bat baino gehiago izan arren. Sarrera bat bazkide bati esleituta, gainerako zenbakiak automatikoki baliogabetu dira.
Zozketan izena eman duten bazkide guztiek mezu elektroniko bat jasoko dute, emaitzaren berri emanez. Klubak datozen egunetan emango du sarreren erosketari buruzko informazio guztia, baina bi datu garrantzitsu aurreratzen ditu.
-Sarrerak erosteko epea martxoaren 25ean, astelehenean, irekiko dela.
-Sarrera eskuratzeko unean, bazkideak (edo bazkide-taldeak, hala badagokio) sarreraren azken erabilera egingo duen pertsonaren izena jakin behar du, sarrera nominala izango baita.
Athleticeko 42.271 bazkidek, erroldatutako 43.649 bazkideetatik (% 97), eman zuten izena 17.848 sarreren zozketarako. Klubak jakinarazi duenez, programa informatiko batek bazkide bakoitzari zozketa zenbaki adina partaidetza esleituko dizkio, denboraldi honetan San Mamesera joan den partiden arabera.
Athleticek banatuko dituen sarreren kopuruari dagokionez, Federazioak klubarentzat gordetako 20.698ko paketetik 17.848 horiek bazkideen artean banatuko dira, eta gainerako 2.850ak kontratu, erakunde, kirol, gizarte eta babesleen konpromisoei erantzuteko erabiliko dira.
300 sarrera 'Club Athletic'eko kideentzat
'Club Athletic' taldeko 11.317 kideen artean 300 sarrera banatuko dituela iragarri du taldeak. Euskal Herritik kanpo dauden zale zurigorrien eremua da 'Club Athletic': Gazteabonodunak, peñistak eta athleticzaleak.
Klubak dituen babesle, kontratu, erakunde zein kirol arloko konpromisoak betetzeko eskatutako 2.850 sarreren multzoan daude 300 sarrera horiek.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.