Iñaki Williams: "Badakigu Bordalas nolakoa den, lotsagarria da denbora hala galtzea, ez da futbola"
Iñaki Williams Athleticeko aurrelariak gogor hitz egin zuen Jose Bordalas Getafeko entrenatzailaren aurka, "denbora horrela galtzea lotsagarria dela" leporatuta. Hori ez dela futbola ere gaineratu zuen. Bordalasek, berriz, Williamsek iraindu egin zuela salatu zuen, San Mamesen 2-2 berdinketarekin bukatu zen neurketan.
"Lotsagarria iruditzen zait denbora horrela galtzea, hau ez da futbola. Ez da futbolaren parte. Azken minutuetan, adrenalinaz lepo, jarrera hori leporatu diot. Ez nago harro edin dudanaz, baina jokua horrela geratzeak ezintasuna eragiten dit", azaldu zuen Williamsek Europa Pressek bildutako adierazpenetan.
Partida amaieran tentsioa izan zen nagusi; izan ere, arauzko denbora bukatuta, Carmona lurrera joan zen, Getaferen aulkitik gertu. Orduan, Williams korrika joan zen Bordalasengana zerbait aurpegiratzera. Liskar horren ostean, epaileak entrenatzailea kanporatu zuen, txartel gorria erakutsita. "Badakit bere kontua dela, lehen mailan denok dakigu nolakoa den. Bera taldeak zertara jokatzen duen ere badakigu, eta zilegi den arren, askori ez zaigu gustatzen", esan zuen aurrelari zuri-gorriak.
Getafeko entrenatzaileari gaiaren inguruan galdetu zioten partida ostean: "Aukerari etekina ateratzeko hitzak dira, neurrigabeak, eta lekuz kanpo daude. Iñaki Williamsek esan dezala nola iraundu nauen, oso larria baita. Errespetuz jokatu behar da, nik beti egiten dudan moduan".
Bordalasen aburuz, "ulertezina eta onartezina" izan zen epaileak ateratako txartel gorria, eta ez zuen polemikaz gehiago hitz egin nahi. Partidari dagokionez, Getafe garaipenaren bila irten zela azpimarratu zuen.
Zure interesekoa izan daiteke
Ernesto Valverde: "Celtak beti sortzen dizkigu arazoak; atera iristea eta zehatzagoak izatea falta zaigu"
Ernesto Valverdek prentsaurrekoa eman du igande honetako Celtaren aurkako partidari begira. Adierazi duenez, taldea ondo dago, baina partida zaila izango da eta Iker Monrealek jokatuko du Laporteren lesioa dela eta. (Bideoa gazteleraz)
Iñigo Ruiz de Galarreta: "Talde guztiaren lanarekin lortu dugu atea hutsean mantentzea"
Ruiz de Galarreta pozik agertu da taldeak egindako lanarekin.
Txapeldunen Ligako seigarren jardunaldiko Athletic-PSG (0-0) neurketaren laburpena
Athleticek eta PSGk golik gabe berdindu dute San Mamesen, Txapeldunen Ligako seigarren jardunaldian, Valverderen taldeak lan bikaina egin du defentsan. Unai Simonek Europako txapelduna geldiarazi du, eta talde zuri-gorriari Europako txapelketa nagusian bizirik mantentzen duen puntu bat eman dio.
Athleticek ederki defendatu eta puntu bat bildu du Europako txapeldunaren aurka (0-0)
Unai Simon ikusgarri batek PSG geldiarazi du San Mamesen, eta, horri esker, talde zuri-gorriak meritu handiko puntua lortu du.
Laportek giharretako lesio "larria" du, eta 2026ra arte ez du berriro jokatuko
Diagnostiko honekin, atzelariak Valverderen taldeari urtea bukatzeko geratzen zaizkion lau neurketak galduko ditu, Txapeldunen Ligakoa PSGren aurka, Ligako biak, Celta eta Espanyolen kontra, eta Kopako kanporaketa Ourenseren aurka.
Yuri Berchiche: ''Niretzat PSGren aurkako partida oso berezia izango da''
"Egin behar dugunaren adibiderik onena Atleticoren aurkako larunbateko partida da. Hori da denok ikusi nahi dugun Athletic. Horrela zelairatzen bagara, partida irabazteko aukera gehiago izango ditugu", azpimarratu du atzelariak San Mamesen eskaini zuen prentsaurrekoan.
Athleticek aukerekin jarraitzea bilatuko du San Mamesen, PSG Europako egungo txapeldunaren aurka
Bost jardunalditan lau puntu lortuta eta final-hamaseirenetako txartela ematen duen 24. postutik bi puntura, Ernesto Valverderen taldeak ez du amore eman nahi eta bizirik mantendu nahi du azken bi jardunaldiei begira.
Aymeric Laportek gihar lesioa du, eta partida batzuk emango ditu jokatu ezinik
Athleticeko atzelariak, larunbatean, talde zuri-gorriak Atletico Madrilen aurka jokatu zuen partidan, berdegunea utzi behar izan zuen. Aitor Paredes zigortuta dagoela, Ernesto Valverdek soilik erdiko atzelari bat du Paris Saint-Germainen aurkako neurketarako.
Athleticek jarraipena eman dio bolada onari Levante garaituz (1-0)
Athleticek 1-0 irabazi dio Levanteri Lezaman jokatu den F Moeve Ligako 13. jardunaldiko partida. Daniela Agotek sartu du partidako gol bakarra, bere taldeari hiru puntuak emanez.
Athleticek mendean hartu du Atletico (1-0)
Euskal taldea nagusi izan da jokoan une oro, eta Berenguerrek sartu du garaipenaren gola.