Alavesek ederto egin du lan eta beste puntu bat bildu du Getafen, Guevararen gol bati esker (1-1)
Alavesek 1-1 berdindu du Coliseumen eta sailkapenean eroso jarraitzen du 8 punturekin. Lehen zatian Soria Getaferen atezaina izan da protagonista nagusia, Mariano, Abde eta Caleberi hiru geldiketa egin dizkio eta. Bigarrenean iritsi dira golak.
Lehen zatia orekatua izan den arren, Alaves nagusitu da, eta aukerarik argiena babazorroek izan dute. Lehen zatiko azken txanpan, Marianok baloia lapurtu dio Getafeko atzelari bati, eta Abderi pase bikaina eman dio, baina David Soria Getaferen atezainak geldiketa bikaina egin, errematea kornerrera bidali du.
Aurretik, Mariano bera Madrilgo taldearen atezain aurrean bakarrik geratu da, atzelari bati beste baloi bat lapurtu ostean, baina epaileak falta adierazi eta jokaldia baliogabetu du. Erabakiak eztabaida piztu du.
Alaves Getafe baino hobea izan da, Madrilgo taldea Siverak defendatutako atera ia ez baita hurbildu. Kamararen erdiraketa bat Bordalasek zuzendutako taldearen jokaldirik arriskutsuena izan da, baina Borja Mayoral aurrelaria ez da errematatzera iritsi, gutxigatik.
Alaves sendo hasi da bigarren zatian, baina jokaldi isolatu batean Arambarrik Sivera gainditu du, erdiraketa bat errematatu ostean.
Babazorroak berehala suspertu dira, Toni Martinezek zutoinera bidali baitu baloia, eta minutu batzuk geroago Martinezek berak korner bat luzatu du, baloia buruz jota, eta Guevarak bigarren zutoinean ez du abagunea alferrik galdu, eta, baloia Soriaren aurrean ederki gurutzatuz, berdinketaren gola egin du.
Fitxa teknikoa:
1 - Getafe: Soria; Kiko Femenia, Juan Iglesias, Djene, Abqar, Diego Rico (Davinchi, 79. min); Arambarri, Milla, Mario Martín (Javi Muñoz, 60. min); Kamara (Sancris, 46. min) eta Borja Mayoral (Coba, 83. min).
1 - Alaves: Sivera; Jonny, Garces, Pacheco, Youssef; Calebe (Carlos Vicente, 46. min), Guevara, Ibañez (Denis Suarez, 79. min), Abde; Toni Martinez (Aleña, 79. min) eta Mariano (Boye, 79. min).
Golak: 1-0, 63. min: Arambarri; 1-1, 71. min: Guevara.
Epailea: Alejandro Quintero Gonzalez andaluziarrak Alaveseko Caleberi (23. min) eta Garcesi (77. min) txartel horia atera die, eta Getafeko Abqarri (31. min) eta Davinchiri (88. min).
Coliseumean jokatu da EA Sports Ligako seigarren jardunaldiko partida, 8.005 ikusleren aurrean.
Zure interesekoa izan daiteke
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.
Alaves garaipenarekin estreinatu da Lehen Mailan (2-0)
Alavesek 2-0 irabazi dio Valentziari igande honetan, Mendizorrotzan, Moeve Ligako lehen jardunaldian, Kumba Brimaren eta Ainhoa Guallarren golei esker. Gasteizko taldeak hasiera ona eman dio maila goreneko estreinaldiari.
Lucas Boye: “Oso pozik nago taldeagatik, hiru puntuengatik, eta izan dugun hasieragatik"
Quique Sanchez Floresen Alavesek azken 25 urteetako hasierarik onena egin du. Bederatzi puntutik zazpi lortu ditu Vila-real mendean hartuta (1-0), Lucas Boyeren golari esker.
Alaves 1-0 garaitu du Vila-real Boyek bultzatuta
Argentinarraren golak bigarren garaipena eman die babazorroei, Liga hasiera bikainari jarraipena emanez.