Alavesek eta Betisek puntuak banatu dituzte Mendizorrotzan (0-0)
Alavesek golik gabe berdindu du Betisen aurka, igande honetan Mendizorrotzan jokatu duen EA Sports Ligako bigarren jardunaldiko partidan. Norgehiagok oso parekatua izan da eta bi taldeek nagusitasun uneak izan dituzte, baina babazorroen punteria faltak eta Sivera bikain batek markagailua hutsean utzi dute.
Gloriosoen hasierako minutuak onak izan dira, eta hegaletatik hainbat hurbilketa arriskutsu egin dituzte. Hala ere, lehen aukera argia talde bisitariaren eskutik etorri da: Juanmik baloia gora bidali duenean harmailak gola ospatu eta guzti egin du.
Carlos Vicentek baloia jaso du ezker hegaletik gola sartu nahian, baina jokaldia baliogabetu dute, jokoz kanpo zegoelako. Handik 20 minutura, Racing Ferroleko jokalari ohiak beste aukera bat izan du hegaletik egindako jokaldi baten ostean, baina jaurtiketa oso desbideratuta egin du.
Lehen zatia oso parekatua izan da, eta ezer gutxi gehiago nabarmendu da. Betisek ere arriskua sortu du, baina ez da Siveraren atera iritsi.
Conechny izan da atea bilatzen lehena bigarren zatian, baina bere jaurtiketa gora joan da. Tenagliak babazorroak gailenduarazi zitzakeen pase sakon bat jaso eta atezainaren aurrean bakarrik geratu ondoren, baina Llorente garaiz iritsi da baloia lapurtu eta jaurtiketa saihestu egin du.
Sevillako taldearen aldetik, Abde aurrez aurre jarri da Siveraren aurrean, eta honek ondo estali du zuloa gola saihesteko. Alaveseko atezainak berriro jardun behar izan du Fekirren aurrean, oin salbatzaile bat aterata beste gol aukera bat saihesteko.
Chimy Avilaren eta Fekirren arteko konbinazio onak Mendizorrotza isilarazi du, bigarrenaren jaurtiketak zutoina ukitu duenean.
Hurrengo jokaldian, Sedlarrek txartel gorria jaso du, Chimyri falta egiteagatik.
Chimy Avilak arriskua sortu du bigarrenez, jaurtiketa indartsu batekin, baina, beste behin, Siverak bere taldea salbatu du geldiketa bikaina eginez.
Fitxa teknikoa:
0 - Alaves: Sivera; Tenaglia, Sedlar, Abqar, Manu Sanchez; Blanco, Guevara (Protesoni, 77. min); Conechny (Romero, 61. min), Stoichkov (Carlos Martin, 61. min), Carlos Vicente (Diarra, 88. min); eta Kike (Guridi, 77. min).
0 - Betis: Rui Silva; Sabaly, Bartra, Llorente, Ricardo (Perraud, 46. min); Marc Roca, William Carvalho, Fekir, Fornals (Rodri, 76. min), Juanmi (Abde, 63. min) eta Aitor Ruibal (Chimy Avila, 63. min).
Epailea: Busquets Ferrer. Sedlar kanporatu du txartel gorriarekin (87. min). Txartel horia atera die Sedlar, Juanmi, Perraud, Roca eta Chimy jokalariei.
Zure interesekoa izan daiteke
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.
Alaves garaipenarekin estreinatu da Lehen Mailan (2-0)
Alavesek 2-0 irabazi dio Valentziari igande honetan, Mendizorrotzan, Moeve Ligako lehen jardunaldian, Kumba Brimaren eta Ainhoa Guallarren golei esker. Gasteizko taldeak hasiera ona eman dio maila goreneko estreinaldiari.
Lucas Boye: “Oso pozik nago taldeagatik, hiru puntuengatik, eta izan dugun hasieragatik"
Quique Sanchez Floresen Alavesek azken 25 urteetako hasierarik onena egin du. Bederatzi puntutik zazpi lortu ditu Vila-real mendean hartuta (1-0), Lucas Boyeren golari esker.
Alaves 1-0 garaitu du Vila-real Boyek bultzatuta
Argentinarraren golak bigarren garaipena eman die babazorroei, Liga hasiera bikainari jarraipena emanez.