Alavesek Valentziari irabazi dio Mestallan, eta datorren denboraldian Lehen Mailan jarraituko du (0-1)
Alavesek 0-1 irabazi dio Valentziari Mestallan, eta, ondorioz, ziurtuta dauka datorren denboraldian Lehen Mailan jarraituko duela. Babazorroek partida oso ona jokatu dute, eta gol gehiago sartzeko aukerak ere izan dituzte.
Norgehiagokaren amaieran, Ruben Barajaren taldeak gora egin du, berdinketaren bila, baina arabarrak emaitzari eusteko gai izan dira.
Valentziak eta Alavesek bizitasunez ekin diote norgehiagokari, eta biek izan dute gola sartzeko aukera bana, partida hasi eta gutxira.
Lehendabiziko abisua Valentziak eman du, baina Diego Lopezen jaurtiketa oso gora joan da. Minutu bat geroago, Kike Garciak buruz errematatu du Carlos Vicenteren erdiraketa, eta baloiak zutoina jo du.
19. minutuan, berriro saiatu da Kike Garcia, area kanpotik jaurtiketa eginda, baina Jaume Domenech atezainak baloia aldaratzea lortu du. 29. minutuan, Benavidezek gogor jaurti du baloia, eta gutxigatik joan da kanpora.
34. minutuan, Ruben Barajak lehendabiziko aldaketa egin du, behartuta; Domenech lesionatuta joan da aldagelara, eta Cristian Rivero sartu da haren ordez.
Babazorroek ondo kontrolatu dute Valentzia jokoa, eta arriskua sortu dute. Oro har, hobeto ibili dira, baina lehen zatia golik gabe amaitu da.
Atsedenalditik bueltan, Alavesek bereari eutsi dio, eta Giuliano Simeonek bi gol aukera izan ditu, jarraian. Lehendabizikoan, baloiak defentsa bati jo dio, eta bigarren jaurtiketa Riverok alderatu du.
Valentziak hobera egin du bigarren zatian, baina Garcia Plazaren taldeak lan ona egin du defentsan nahiz erasoko jokoan. Gasteiztarrek estrategiako jokaldi batean egin dute gola. Carlos Vicentek erdiratu du, eta Javi Lopezek baloia sarera bidali du, ezkerreko hankarekin jaurtiketa gogorra eginda.
Valentziak handik gutxira, 74. minutuan, lortu du berdinketaren gola, baina epaileak baliorik gabe utzi du, Diego Lopez jokoz kanpo egon delako. Hortik aurrera, Ruben Barajaren mutilek, aurrera egin dute nabarmen, eta erasora joan dira itsu-itsuan.
Edonola ere, Alavesek sufritzen ere badakiela erakutsi du, eta ondo defendatu du bere abantaila. Areago, Giuliano Simeonek bigarrena sartzeko aukera izan du partidaren azken txanpan, baina baloia kanpora joan zaio.
Azkenean, 0-1 amaitu da norgehiagoka. Babazorroek 41 puntu bereganatu dituzte eta, beraz, matematikoki ziurtatu dute datorren denboraldian Lehen Mailan izango direla.
FITXA TEKNIKOA
0 – Valentzia: Jaume Domenech (Rivero, 34. min); Thierry (Foulquier, 76. min), Mosquera, Yarek, Jesus Vazquez (Cenk, 66. min); Peter Federico (Yaremchuk, 76. min), Pepelu, Javi Guerra, Diego Lopez; Andre Almeida (Canos, 46. min) eta Hugo Duro.
1 – Alaves: Sivera; Gorosabel (Rafa Marin, 54. min), Tenaglia, Abqar, Javi Lopez; Benavidez, Blanco (Guevara, 72. min), Guridi (Sola, 89. min); Giuliano, Carlos Vicente (Luis Rioja, 89. min) eta Kike (Samu, 72. min).
Gola: 0-1, 68. min: Javi Lopez.
Epailea: Melero Lopez. Txartel hori atera die Hugo Durorid, Blancori, Tengaliari eta Samuri.
Gertakariak: EA Sports Ligako 34. jardunaldia. 44.633 ikusle izan dira Mestallan.
Zure interesekoa izan daiteke
Sergio Fernandez: “Gure asmoa da ez galtzea hazteko aukera ematen digun aktiborik”
Alaveseko kirol zuzendariak, asteartean, agerraldia egin du, komunikabideen aurrean, amaitu berri den denboraldiaren balantzea egitea helburu; Sergio Fernandezek, 2029ra arte berrituta, talde babazorroaren hainbat jokalariren egoera izan du hizpide.
Alavesek 2029ra arte berritu dio kontratua Sergio Fernandezi
Klub babazorroak astearte honetan iragarritakoaren arabera, kirol zuzendariak beste hiru denboraldiz luzatu du erakundearekin duen lotura.
Sanchez Flores: “Helburua beteta, beste helburu txiki batzuk geratzen zaizkigu"
Deportivo Alavesek lasai ekingo dio azken egunari. Babazorroek Oviedoren aurka ziurtatu zuten Lehen Mailan jarraituko dutela. Dena den, Quique Sanchez Floresek dio taldeak badituela helburuak Rayoren aurkako neurketan ere, bestelakoak badira ere.
Jon Pachecori ebakuntza egin diote eskuineko orkatilean
Gipuzkoako Poliklinikan egin diote ebakuntza jokalari baztandarrari.
Asier Villalibrek Racing Santanderren jarraituko du, EA Sports Ligan
Gernikako aurrelariak Hypermotion Ligan jokatu du 2025-2026 denboraldia, Alavesek utzita. Rancingek lehen mailara igoera lortuz gero, Kantabriako taldeak jokalaria derrigor erosiko zuela adostu zuten bi taldeek, eta, beraz, bizkaitarrak Racingen jarraituko du.
Blanco: “Partidaren amaiera festa bat izan da"
Alaveseko kapitainak Oviedoren aurka lortutako garaipenaz (0-1) eta Lehen Mailan jarraitzea lortu izanaz hitz egin du EA Sports Ligako azken-aurreko jardunaldian.
Alavesek salbazioa ziurtatu du Oviedon irabazita (0-1)
Toni Martinezek lehen zatian sartutako golak hiru puntuak eman dizkie babazorroei, eta 43 punturekin maila gorenean jarraituko dutela ziurtatu dute.
Quique Sanchez Flores: “Partida oso serio hartu behar dugu"
Alavesek EA Sports Ligan jarraitzea ziurta dezake igande honetan, Oviedoren aurka Tartieren jokatuko duen partidan.
Antonio Blanco: “Talde bat izanik, hau aurrera doala erakutsi dugu”
Deportivo Alavesek jaitsiera postuetatik ihes egitea lortu du Bartzelonari 1-0 irabazita. Partiduaren ostean, Antonio Blancorekin hitz egin dugu, eta zaleei eskerrak eman nahi izan dizkie Alavesen bizi izan duen “gaurik politenetako” batean. (Bideoa gazteleraz)
Diabatek txapeldunaren aurka sartutako gol batek mailari eusteko bidean jarri du Alaves (1-0)
Quique Sanchez Floresen taldeak ezerezean utzi du ligako txapeldunaren erasoa. Lehen zatia bizi joan da, eta Ibrahim Diabatek aurretik jarri du talde babazorroa, azken jokaldian.