Rober Gonzalezek igoera postuetara itzuli du Alaves (2-1)
Rober Gonzalezek, bi golekin, Lehen Mailara zuzenean igotzeko postuetara itzuli du Alaves, bederatzi jardunaldi geroago, Leganesek lortutako berdinketari buelta emanda (2-1).
Euskal taldeak aurkari zuzenen emaitza txarrak aprobetxatu ditu eta bigarren posturaino egin du salto; 65 puntu ditu orain, Eibar liderrak baino bat gutxiago.
Alaves indartsu eta ideia argiekin zelairatu da aurkariaren arearen bila. Hala ere, babazorroak ez dira fin ibili Leganesek defentsei egindako presioagatik.
Lehen aukera argia Nahuel Tenaglia argentinarrarentzat izan da, korner batean baloia kanpora errematatuta. Jon Guridik ere bere aukera izan du beste korner batean, Alaves protagonista izan duen lehen zatian.
Babazorroek zuzenago jokatu dute, eta baloiari egindako presioa aprobetxatzen saiatu dira, madrildarren posesioaren aurrean.
Estrategiak erakutsi die bidea, eta bandako sake batean iritsi da lehen gola. Asier Villalibrek ondo babestu du baloia, eta, lepoz, Rober Gonzalezi jarri dio baloia, honek buruz sarera bidaltzeko (1-0).
Carlos Martinezen taldeak atera egindako lehen jaurtiketan lortu du gola. Jorge Miramonen desmarke bat haren jaurtiketa indartsu batekin bukatu da, eta norgehiagoka berdindu du horrela, 54. minutuan (1-1).
Golak Leganesen animoak berpiztu ditu, partidari buelta emateko zorian egon direlarik. Baina Alavesek berriz berreskuratu ditu sentsazio onak.
Rober Gonzalezek euskaldunen kontraeraso bat bukatu du, ezkerkada aparta batekin garaipenaren gola egiteko (2-1). Atezainak ez du ezer egiterik izan.
Leganes berdinketaren bila abiatu da, baina Alaves sendo aritu da eta ez du arriskurik hartu partida bereganatzeko.
Fitxa teknikoa
2 - Alaves: Sivera; Javi Lopez, Duarte, Laguardia, Tenaglia (Arroyo, 68. min); Blanco (Moya, 82. min), Guridi; Rioja, Jason (Miguel, 68. min), Rober (Balboa, 85. min); eta Villalibre (Alkain, 85. min).
1 - Leganes: Riesgo; Josema, Jorge Saenz, Omeruo, Jorge Miramon (Nyom, 61. min); Neyou (Pardo, 46. min), Cisse (Qasmi, 86. min), Narvaez, Fede Vico (Navarro, 79. min); Karrikaburu eta Jose Arnaiz (Shibasaki, 46. min).
Golak: 1-0, 40. min: Rober. 1-1, 54. min: Miramon. 2-1, 83. min: Rober.
Epailea: Galech Apezteguia. Txartel horia atera die Jason, Rober, Blanco, Cisse, Shibasaki, Omeruo eta Qasmi jokalariei.
Zure interesekoa izan daiteke
Antonio Sivera: “Porrot gogorra da"
Antonio Sivera Alaveseko jokalariaren adierazpenak, bere taldeak Athleticen aurka 2-4 galdu ostean, EA Sports Ligako 34. jardunaldiko partidan. (Adierazpenak gaztelaniaz)
Athleticek derbia irauli du, eta Alaves amildegiaren ertzean geratu da (2-4)
Alaves bi aldiz jarri da aurretik markagailuan, baina Athleticek markagailuari buelta eman dio bigarren zatian, Nico Williamsek lau minututan bi gol sartuta. Emaitza honekin, babazorroek hurbilago dituzte jaitsierako postuak; talde zuri-gorriak, berriz, arnasa hartu du 3 puntu gehiago bilduta.
Sanchez Flores, derbiari buruz: “Athletic duela bi hilabete baino talde arriskutsuagoa da”
Quique Sanchez Flores Alavesen entrenatzaileak prentsaurrekoa eman du ostegun honetan, Athleticen kontra Mendizorrotzan jokatuko duen derbiari buruz hitz egiteko.
Angel Perez: “Mentalki, hiru puntu baino gehiago ematen dituen garaipena da”
Angel Perez Alaveseko jokalariaren adierazpenak, talde gasteiztarra EA Sports Ligako 32. jardunaldiko partidan Mallorcari 2-1 gailendu ostean. Lortutako hiru puntuei esker, arabarrak jaitsiera postuetatik atera dira. (Adierazpenak gaztelaniaz)
Alavesek urrezko hiru puntu eskuratu ditu Mallorcaren aurka (2-1)
Talde babazorroak balio handiko garaipena lortu du Mallorca mendean hartuta. Sanchez Floresen taldea suspertu egin da bigarren zatian Toni Martinezi esker, markagailuari buelta eman dion binakoa egin baitu murtziarrak.
Sanchez Flores: “Jokalari bat gehiago dugu, harmaila"
Alavesek larunbat honetan Mendizorrotzan jokatuko du Mallorcaren aurka, mailari eusteko lehia zuzenean. Quique Sanchez Floresek tentsioa baretu nahi izan du, taldearen esperientzian konfiantza jarriz, eta harmaila “jokalari bat gehiago” dela azpimarratuz.
Tenaglia: “Aukera asko izan genituen, huts egin genuen eta ez ziguten barkatu”
Alavesek 2-1 galdu du Real Madrilen aurka. Nahuel Tenagliak onartu duenez, "metro bat utzi diete Viniciusi eta Mbapperi, eta haiek ez dute barkatzen", baina badaki ondo jokatu dutela, "futbol ona egin genuen".
Mbappek eta Viniciusek saririk gabe utzi dute Alaves, Bernabeun ondo lehiatu arren (2-1)
Quique Sanchez Floresen mutilek behin baino gehiagotan izan dute partidan sartzeko aukera, baina ez dute ate aurrean asmatu. Toni Martinezek luzapenean sartutako gol polit batek gatz pixka bat jarri du, baina berandu zen ordurako.
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.