Alavesek Lugo menderatu du jokoan, baina golik sartu gabe jarraitzen du (0-0)
Alavesek hutsean berdindu du Lugoren aurka Mendizorrotzan jokatu duen SmartBank Ligako 31. jardunaldiko partida. Gasteiztarrek munduko aukera guztiak izan dituzte markagailua irekitzeko, baina baloiak ez du sarea aurkitu, eta hiru jardunaldi jarraian daramatzate garaipenik lortu gabe eta golik sartu gabe.
Alavesekoak, Vila-real Bren aurkako porrotaren ordaina hartu nahian, hasieratik dena ematera zelairatu dira eta denbora gutxi behar izan dute aurkariei lehen sustoa emateko.
Villalibrek bere areatik atera den baloi luze bat harrapatu du, Lugoren areara lasterka eramateko, baina, azken driblinaren ondoren, ezin izan du jaurtiketa ondo lotu. Gernikarrak, aukera gehien izan dituenak, Oscar ataka estuan jarri du beste jokaldi batean burukada batekin, baina jokaldia baliogabetuta zegoen, jokoz kanpo zegoelako.
Lugok erantzun bikaina eman dio Avilesen abagunearekin; izan ere, bat-batekoan joan da, eta eskuadraren bila jaurti du baloia, baina gora joan zaio, langatik gertu.
Tenagliak 22. minutuan izan du aukera, Salva Sevillaren pase on bat jasota, baina bere jaurtiketa gehiegi gurutzatu da. Villalibrek beste aukera bat izan du ordu erdira. Keinu egin du buelta emateko, kontrola bideratzeko eta jaurtiketa egiteko, baina aurkariaren atezainak kornerrera urrundu du.
Villalibrek azken aukera izan du etxekoen nagusitasun argiko lehen zatian. Atezainarekin aurrez aurre jarri da, Alaveseko aurrelaria, baina honen oinarekin topo egin du baloia gelditzeko.
Alavesek presioa sartzen jarraitu du bere lekua galdu ez duen defentsa baten aurrean, baloi konprometitu guztiak atera dituena.
Luis Rioja, Asier Villalibre eta Miguel de la Fuente golaren bila aritu dira behin eta berriz, baina euren jaurtiketek ez dute aterik aurkitu.
Intentsitatez jositako amaiera izan da, abaguneekin bientzat, baina Alavesen sentsazio txarrekin, bere setiotik eta 18 erremateetatik etekinik ateratzea lortu ez izanagatik.
Fitxa teknikoa
0 - Alaves: Sivera; Tenaglia (Jason, 86. min), Abqar, Sedlar, Duarte; Benavidez, Sevilla (Guridi, 75. min), Rober (Miguel, 57. min), Rioja, Alkain (Abde, 57. min); eta Villalibre.
0 - Lugo: Oscar; Alberto, Pirri, Pantic (Calavera, 25. min); Gui, Torres (Moyano, 60. min), Clavería (El Hacen, 75. min), Loureiro, Lopez; Barreiro (Cuéllar, 75. min) eta Aviles (Carbo, 75. min).
Epailea: Trujillo Suarez. Juanpe kanporatu du aulkian zegoela. Txartel horia atera die Miguel, Abde, Gui, Carbo eta Loureiro jokalariei.
Zure interesekoa izan daiteke
Alavesek F Moeve Ligara igotzea lor lezake, igande honetan, Mendizorrotzan, Cacereñoren aurka
Andrea Estebanen taldeak aurkaria garaitzen badu, eta larunbatean, Bartzelonak Valentziaren aurka irabazi edo berdintzen badu, matematikoki Moeve F Ligara igoko litzateke. Horrela, Alavesen zaleek igoera Mendizorrotzan ospatu ahalko lukete.
Nahuel Tenaglia Alavesekin Lehen Mailan 100 partidetara ailegatu da Celtaren aurkako garaipen historikoan
Tenaglia 2021-2022 denboraldian ailegatu zen Alavesera, eta, orain arte, 146 neurketa jokatu ditu Gasteizko taldearekin. Atzelariak igande honetan lortu zuen erregistro honetara ailegatzea, Quique Sanchez Floresen taldeak Celtaren aurka jokatutako norgehiagoka handian (3-4).
Toni Martinez: “Zalantzarik gabe, gogoratzeko moduko partida izango da"
Alavesek garaipen historikoa lortu du Celtaren aurka Balaidosen, 3-0 galtzen joan eta gero, markagailua iraulita. Toni Martinez erabakigarria izan da, bi gol sartu ditu eta.
Alavesek handia egin du Balaidosen (3-4)
3-0 galtzen joan ostean, Quique Sanchez Floresen taldeak markagailua irauli, eta 3 puntu garrantzitsu bereganatu ditu jaitsiera postuetatik aldentzeko.
Quique Sánchez Flores: "Imajinatzen dugun partida jokatu behar dugu"
Celtaren aurkako partidaren atarian emandako prentsaurrekoan, Gloriosoko entrenatzaileak esan du ilusioz gainezka dagoela taldearekin, eta orain arte bezala lan eginez gero helburua lortzen joango dela. "Garrantzitsua da imajinatzen dugun partida jokatzea" adierazi du Sanchez Floresek.
Jonny Otto: “Ahalik eta lan gehien egiteko prest zelairatuko gara, atea hutsean uzteko"
Jonny Otto Alaveseko jokalaria Galiziara itzuliko da asteburu honetan, Celtaren aurka jokatzeko. Prentsaurrekoan adierazi du nola sentitzen den partidaren aurrean, eta taldeak nola ekingo dion denboraldiaren azken zatiari.
Vila-realek garaipenik gabe utzi du Alaves luzapenean (1-1)
Bisitari batek bere atean sartutako gol batek aurretik jarri ditu babazorroak, baina Pepek etxekoen festa zapuztu du luzapenean.
Elene Errasti Alaveseko jokalaria: "Espero dugu iazko bukaera hobetzea eta helburua betetzea"
Sei jardunaldiren faltan, Alaves da emakumezkoen bigarren mailako liderra. Horrela amaituz gero, elitera igotzea lortuko dute. Zazpi puntuko abantaila dute bigarren sailkatuarekiko, baina nahiago dute zuhur jokatu, iaz igoera gertu izan zutelako eta ihes egin zielako.
Quique Sanchez Flores: “Alavesek etxean lortu ditu puntu gehienak, jarraitzaileen animoekin. Horri eutsi behar diogu”
Alavesek bi puntura du jeitsiera, hortaz, oso garrantzitsua da arabarrentzat bihar garaipena lortzea. Gainera Quique Sanchez Flores estreinakoz arituko da etxean, zaleen aurrean.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.