Sergio Gomez txuri-urdinak garaipena eman dio Espainiari Uzbekistanen aurka (1-2)
Espainiako selekzioak garaipenarekin ekin die Parisko Olinpiar Jokoei Uzbekistanen aurka (1-2), Marc Pubillek, 29. minutuan, eta Realak fitxatu berri duen Sergio Gomezek, 62. minutuan, sartutako golei esker. Santi Deniak zuzentzen duen taldeak hiru puntuak bildu ditu, nahiz eta jokoan nagusi ez izan eta azken minutura arte emaitzari eusteko sufritu.
Espainia geldikako ekintza batean aurreratu da markagailuan. Sergio Gomezek erdiratu du, Abel Ruizek lehen zutoinean baloia orraztu du eta bigarrenean Marc Pubill sartu da 0-1ekoa egiteko.
Lehen zatiko luzapenean, Pau Cubarsik penaltia egin dio Muhammadkodir Hamralievi eta Eldor Shomurodov kapitain uzbekistandarrak gola egiteko baliatu du.
Bigarren zatian, Sergio Gomezek ere penaltiz izan du Espainiaren bigarren gola erdiesteko abagunea, baina Abduvakhid Nematov atezainak eskuin oinarekin atera du txuri-urdinaren jaurtiketa.
Aitzitik, hiru minutu geroago, Sergio Gomezek berak ez du barkatu Juan Mirandak ezker hegaletik egindako erdiraketa sareratzeko.
Santi Deniak zuzentzen duen selekzioak Jon Pacheco eta Beñat Turrientes jokalariak erabili ditu bigarren zatian, eta azken unera arte sufritu du hiru puntuak eskuratzeko.
Fitxa teknikoa:
1 - Uzbekistan: Abduvakhid Nematov; Khusniddin Alikulov, Abdukodir Khusanov, Muhammadkodir Hamraliev, Ibrokhimkhalil Yuldoshev; Umarali Rakhmonaliev, Abdurauf Buriev (Ruslanbek Jiyanov, 67. min); Abbosbek Fayzullaev, Jasurbek Jaloliddinov (Diyor Kholmatov, 67. min), Oston Urunov (Khusayin Norchaev, 59. min) eta Eldor Shomurodov (Ibrohim Ibragimov, 79. min).
2 - Espainia: Arnau Tenas; Marc Pubill, Eric García, Pau Cubarsí (Jon Pacheco 46. min), Juan Miranda; Pablo Barrios, Fermín López (Adrián Bernabé, 76. min), Álex Baena (Beñat Turrientes, 87. min); Aimar Oroz (Diego López, 76. min); Sergio Gómez eta Abel Ruiz (Samu Omorodion, 87. min).
Golak: 0-1, 29. min: Marc Pubill. 1-1, 48+. min: Eldor Shomurodov (p). 1-2, 62. min: Sergio Gómez.
Epailea: Beida Dahane (Mauritania). Txartel horiak: Jasurbek Jaloliddinov (36. min), Abdurauf Buriev (61. min) eta Diyor Kholmatov (68. min); Pau Cubarsí (7. min), Marc Pubill (37. min), Adrián Bernabé (80. min), Abel Ruiz (82. min) eta Samu Omorodion (97. min).
Ibai Gomezek zuzendutako Dominikar Errepublikak berdinketa batekin egin du debuta
Ibai Gomezen aginduetara lehiatzen ari den Dominikar Errepublikako selekzioak asteazken honetan hasi du bere historia idazten Olinpiar Jokoetako futbol txapelketan, eta golik gabeko berdinketa batekin estreinatu da Egiptoren aurka (0-0).
Athletic Clubeko jokalari ohiak entrenatzen duen talde dominikarrak Espainiaren aurka jokatuko du datorren larunbatean, arratsaldeko 15:00etan.
Zure interesekoa izan daiteke
Tsygankovek Realaren lehen zati ona baliogabetu du (1-2)
Ukrainako futbolariaren bi golek Guedesen gola eta txuri-urdinen lehen zati ona zapuztu dituzte.
Lisci: "Dena gerta daiteke futbolean, eta Bartzelonaren aurka saiatuko gara"
Osasuna taldeko entrenatzaileak larunbatean Bartzelonaren aurka EA Sports ligako 16. jardunaldian jokatuko duen partidaz hitz egin du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Sergio Francisco: "Beharra sentitzen dut taldea lehen minututik joateko partidaren bila"
Realak Girona hartuko du, Anoetan, ostiralean, 21:00etan, EA Sports Ligako hamaseigarren jardunaldian. Aurreko egunean, Sergio Francisco talde txuri-urdineko entrenatzaileak neurketaren gainean zer espero duen izan du hizpide.
Andreia Jacintok onartu du taldeak "triste" bukatu zuela Real Madrilen aurkako partida, punturik lortu ez zuelako
Erdilari portugaldarrak Real Madrilen aurkako porrota; Bartzelonaren kontrako garaipena; donostiarrek Ligan eta Kopan izango duten hurrengo aurkaria, Deportivo; taldearen dinamika; entrenatzaile txuri-urdinaren ezaugarriak; aurreko denboraldia eta Donostiako egonaldia aztertu ditu.
Jokin Aperribay: "Bilakaera, exijentzia eta konfiantza; horiek dira hitz gakoak, emaitza onak lortzeko"
Realeko Akziodunen Batzar Nagusia amaituta, Realeko presidenteak EITBrekin hitz egin du. Aperribayk nabarmendu du nola, “kudeaketa erraza ez bada ere”, Gipuzkoako kluba, “azken urteotan, emaitza ekonomiko onak lortzen ari den”.
Realak 160 milioi euroko aurrekontua onartu du 2025-2026 denboraldirako
Zenbateko errekorra da hori. Realak, 2024-2025eko ekitaldian, 16,9 milioiko superabita izan zuen, eta aurreikuspena da 2025-2026koan beste 17,8 milioi irabaztea.
Iñigo Ruiz de Galarreta: "Talde guztiaren lanarekin lortu dugu atea hutsean mantentzea"
Ruiz de Galarreta pozik agertu da taldeak egindako lanarekin.
Txapeldunen Ligako seigarren jardunaldiko Athletic-PSG (0-0) neurketaren laburpena
Athleticek eta PSGk golik gabe berdindu dute San Mamesen, Txapeldunen Ligako seigarren jardunaldian, Valverderen taldeak lan bikaina egin du defentsan. Unai Simonek Europako txapelduna geldiarazi du, eta talde zuri-gorriari Europako txapelketa nagusian bizirik mantentzen duen puntu bat eman dio.
Athleticek ederki defendatu eta puntu bat bildu du Europako txapeldunaren aurka (0-0)
Unai Simon ikusgarri batek PSG geldiarazi du San Mamesen, eta, horri esker, talde zuri-gorriak meritu handiko puntua lortu du.