Nazioen Ligako bigarren finalista da Espainia, Italiaren aurka gailendu ostean
Espainiako selekzioa 2023ko Nazioen Ligako finalerako sailkatu da, Italiari 2-1 irabazi ostean Twente Stadion de Enscheden (Herbehereak) jokatu den finalerdian. Joselu Matok 88. minutuan sartutako golak, finalerako txartela eman dio Espainiari, beraz, Kroaziaren aurka neurtuko ditu indarrak igandean.
Bigarren finalerdia emozioz beterik egon da hasiera-hasieratik. Yeremy Pino Vila-realeko jokalariak sartu du lehen gola partidaren hirugarren minutuan, Gavirekin batera talde aurkariari egindako presioari esker baloia eskuratu ondoren.
Partidako bigarren gola Ciro Inmobilek sartu du 11. minutuan. Izan ere, epaileak Italiaren aldeko penaltia adierazi du Robin Le Normand Realeko jokalariak baloia eskuz ukitu ostean, bere debutaren egunean. Hots, markagailuak bana berdindu dira.
Une batez Italia aurretik jarri da Frattesik 21. minutuan sartutako golari esker, baina VARek baliogabetu egin du jokoz kanpo zegoelako.
Bigarren zatian, bi taldeek hainbat aukera izan dituzte, baina bakarrak lortu du atezaina gainditzea: Espainiari garaipena eman diona. Rodri Hernandez Manchester Cityko erdilariak area kanpotik jaurti du eta Joseluren oinetara iritsi da. Espanyoleko aurrelariak baloia bikain errematatu du 88. minutuan eta Espainiaren bigarren gola sartu du.
Horrela, Espainiako selekzioak datorren igandean (20:45ean), ekainak 18, Kroaziarekin neurtuko ditu indarrak 2022-2023ko Nazioen Ligako finalean, Rotterdamen.
Fitxa teknikoa:
2 - Espainia: Unai Simon; Navas, Le Normand, Laporte, Jordi Alba; Rodri Hernandez, Merino (Fabian, 74. min), Gavi (Canales, 69. min); Yeremy (Ansu Fati, 74. min), Rodrigo Moreno (Asensio, atsedenaldia) eta Morata (Joselu, 84. min).
1 - Italia: Donnarumma; Di Lorenzo, Toloi, Bonucci (Darmian, atsedena), Acerbi; Frattesi (Verratti, 76. min), Jorginho (Cristante, 61. min), Barella; Spinazzola (Dimarco, atsedena), Zaniolo eta Immobile (Chiesa, 60. min).
Golak: 1-0, 3.min: Yeremy. 1-1, 11,min: Immobile penaltiz. 2-1, 88.min: Joselu.
Epailea: Slavko Vincic (SLO). Txartel horia atera die Alba (45+1.min), Gavi (57.min) eta Morata (83.min); eta Immobile (38.min) eta Zaniolo (93.min) jokalariei.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.