Unai Simonek debuta egin du Espainiako selekzioarekin
Espainiako selekzioak bana (1-1) berdindu du Herbehereen aurka asteazken honetan jokatu duen adiskidantzazko partida. Unai Simon atezainak debuta egin du Luis Enriquek zuzentzen duen selekzioarekin.
Athleticeko atezainak hasieratik amaieraraino jokatu du neurketa, baina ezin izan du golik jaso gabe bukatu Herbehereetako selekzioak gol bat sartu baitio. Hala ere, Luis Enrique Martinez hautatzaileak norgehiagoka amaitu ostean esan du "Unai Simon bikain" ibili dela.
Beste euskal jokalari bat ere Espainiako selekzioaren hasierako hamaikakoan egon da; konkretuki, Iñigo Martinez. Athleticeko erdiko defentsak 85 minutu jokatu ditu, eta orduan ordezkatu du Luis Enriquek, Sergio Ramos zelairatuta.
Partidako golak
Espainiak aurrea hartu du 19. minutuan Canalesek sartu duen golari esker (0-1). Bigarren zatia hasi bezain laster (47. minutuan), ordea, Van de Beekek neurketa berdindu du (1-1).
Fitxa teknikoa:
1 - Herbehereak: Bizot; Wijndal, Ake (6. min, Blind), Veltman, Hateboer (46. min, Dumfries); Frenkie de Jong (46. min, De Vrij), Van de Beek, Wijnaldum (46. min, Klaassen); Depay (79. min, Babel), Luuk de Jong eta Berghuis (46. min, Stengs).
1 - Espainia: Unai Simon; Bellerin, Eric, Iñigo Martinez (85. min, Ramos), Gaya (29. min, Reguilon); Rodri, Koke, Canales (72. min, Llorente); Marco Asensio (61. min: Traore), Gerard Moreno (61. min, Ferran Torres) eta Morata (61. min, Olmo).
Golak: 0-1, 19. min: Canales. 1-1, 47. min: Van de Beek.
Epailea: Davide Massa (ITA). Txartel horiak atera dizkie Reguilon eta Dani Olmo Espainiako selekzioko jokalariei.
Zure interesekoa izan daiteke
Zubeldia: "Oso garrantzitsua zen sentsazio onekin bukatzea"
Realeko jokalariak Mallorcaren aurka lortutako garaipenaz (0-1) hitz egin du, EA Sports Ligako 26. jardunaldian.
Reala garaile Mallorcan Europara gerturatzeko (0-1)
Carlos Solerrek lehen zatian sartutako golak 3 puntu eman dizkie txuri-urdinei, eta, bide batez, Europako postuetara gerturatu ditu.
Williams: "Pena da lehen kolpea jaso beharra gure mailarik onena ateratzeko"
Iñaki Williams Athleticeko jokalariaren adierazpenak, EA Sports Ligako 26. jardunaldian Rayo Vallecanoren aurka 1-1 berdindu ondoren.
Unai Simonek bizirik mantendu du Athletic Vallecasen (1-1)
Ligan bosgarren partida jarraian puntuak gehitu ditu Athleticek. Valverderen taldeak puntu bat berreskuratu du Vallecasen, Iñaki Williamsen gol ikusgarri bati eta Unai Simonen geldiketa erabakigarriei esker, Jorge de Frutosen gol batek etxeko taldea aurretik jarri eta gero.
Sivera: "Bat gutxiagorekin egotea traba izan da"
Alaveseko atezainak EA Sports Ligako 26. jardunaldian Levanteren aurka jasotako porrotari buruz hitz egin du (2-0).
Espiren azken uneko golek Alavesen lan ona zapuztu dute Levanten (2-0)
Babazorroak jaun eta jabe izan dira lehen zatian, gola sartzeko aukera asko izan dituzte, baina Parada kaleratzeak eta Espiren bi golek punturik gabe utzi dituzte bisitariak.
Lerga: "Ligako etenaldia burua lasaitzeko baliatuko dugu"
Datozen bi asteko geldialdiaren ostean, Athleticek indarberrituta eman nahi dio jarraipena F Moeve Ligari. Javi Lerga entrenatzaileak azken partidetan izandako emaitzen balorazioa egin du.
Matarazzo: "Baikor nago, bihar neurketa ona egingo dugula uste dut"
Realeko entrenatzaileak EA Sports Ligako 26. jardunaldian Mallorcaren aurka jokatuko duten partidaz hitz egin du. Partida garrantzitsua izateaz gain, asteazkeneko partida prestatzeko ere balioko duela esan du.
Real Madril-Manchester City, Newcastle-Barça eta Atletico-Tottenham, Txapeldunen Ligako final-zortzirenetan
Final-zortzirenetako joaneko neurketak martxoaren 10ean eta 11n jokatuko dira; itzulikoak, berriz, martxoaren 17an eta 18an.
Chacho Coudet, River Platen ustezko eskaintzari buruz: "Inor ez da nirekin komunikatu, ezta nire ordezkariarekin ere"
Chacho Coudet Alaveseko entrenatzaileak River Plate taldearen ustezko fitxaketaren zurrumurruei buruz hitz egin du prentsaurrekoan. Azaldu duenez, inork ez dio ezer galdetu, ez berari ezta haren ordezkariari ere. Halaber, biharko Levanteren aurkako partida nola ikusten duen aztertu du.