Osasunak garaipena eskuratu du Athleticen aurka, San Mamesen
Osasunak garaipena lortu du Athleticen aurka (0-1) San Mamesen, eta 31 punturekin da Ligako sailkapenean, talde zuri-gorriarekin berdinduta. Athleticek bederatzi jardunaldi jarraian daramatza partidarik irabazi gabe.
Bizi eta erasokor ekin dio Athleticek neurketari, baina ez du abagune argirik sortu. Osasuna sendo mantendu da defentsako lanean. Talde zuri-gorria saiatu da arriskua sortzen, baina Villalibre, Williams, Capa eta Yuri ez dira ondo ibili. Norgehiagokako 29. minutuan, Osasunak partidan izan duen abagune bakarrean, Oierrek 0-1ekoa sartu du; falta atera du talde gorritxoak, Brasanacek errematea egin du Yerayri aurrea hartuta, Unai Simon atezainak desbideratu egin du, baina aldaratzean Oierrek ez du barkatu.
Athleticek lehia berdintzea lortu du sei minutu beranduago, baina epaileak baliorik gabe utzi du Williamsek sartutako gola, ustez Raul Garciak falta egin diolako Sergio Herrera Osasunako atezainari.
Bigarren zatiaren hasieran, Herrera atezainak baloia aldendu nahi izan du, Raul Garciaren bizkarrean jo, eta ez da gutxigatik sare barruan sartu. Ia jarraian, epaileak ez du Unai Garciak area barruan egin duen penalti argia adierazi, Osasunako defentsak baloia eskuarekin moztu duen arren. VARa ez da jokaldian sartu, beraz, ezerezean geratu da. Partidako 60. minutuan, Vencedorrek langara bota du falta jaurtiketa.
Geroago, beste penalti bat eskatu du Athleticek, Williamsen eta Sergio Herrera atezainaren arteko buruz burukoan, baina honetan ere ez du ezer adierazi epaileak. Talde zuri-gorriak erasora jo du itsu-itsuan, eta Williamsek buruz egin duen errematea, atezainaren eskuetara joan da. Azken minutuan, gertu izan du berdinketa Bilboko taldeak, baina Herrerak Caparen jaurtiketa desbideratu ostean, Adurizek zutoinera bidali du errematea.
Fitxa teknikoa:
0 - Athletic Club: Unai Simon; Capa, Yeray, Unai Nuñez, Iñigo Martinez, Yuri; Vencedor (Ibai Gomez, 74. min), Vesga, Raul Garcia (Aduriz, 68. min); Williams eta Villalibre (Sancet, m.46).
1 - Osasuna: Sergio Herrera; Nacho Vidal (David Garcia, 88. min), Unai Garcia, Aridane, Roncaglia, Estupiñan; Oier Sanjurjo (Fran Merida, 91. min), Darko Brasanac, Iñigo Perez; Adrián (Roberto Torres, 76. min) eta Enric Gallego.
Gola: 0-1, 29. min: Oier Sanjurjo.
Epailea: Pablo Gonzalez Fuertes. Txartel horiak atera dizkie Vencedor (27. min), Iñigo Martinez (77. min) eta Aduriz (80. min) Athleticeko jokalariei, baita Roncaglia (38. min), Oier (40. min), Enric Gallego (48. min) eta Darko (55. min) Osasunako futbolariei.
VAReko epailea: Alfonso Alvarez Izquierdo.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.