Alavesek Eibar mendean hartu du Mendizorrotzan jokatutako derbian (2-1)
Alavesek Eibarren aurka jokatutako euskal derbia irabazi du, Santander Ligako 23. jardunaldia hasi duen partidan. Ondorioz, hiru puntuak Mendizorrotzan geratu dira.
Lehen 45 minutuetan joko gutxi eta aukera are gutxiago izan dira. Armaginek arriskua sortzeko asmoa erakutsi dute, baina izandako ideiak ez dituzte gauzatu. Alavesek, berriz, sufritu egin du baloia jokatuta atzetik ateratzeko, armaginak ondo kokatuta egon baitira zelai erdian.
Lehen zatiko aukera bakarra, atsedenaldirako bi minuturen faltan iritsi da. Ximo Navarrok jaurtiketa gurutzatua egin du eta Dmitrovicek erantzun bikaina eman dio, etxekoen lehen gola ekiditeko.
Atsedenaldiaren ostean, eta bigarren zatia hasi eta 12 segundora, Alavesen gola iritsi da. Lucas Perezek egin du, Eibarrek baloia zelai erdian galdu ostean.
Golak min handia egin die Jose Luis Mendilibarren jokalariei, eta Asier Garitanorenak, berriz, esnatu egin ditu. Horrela, arabarrek jokoaren kontrola hartu dute eta arriskua sortzen hasi dira Dmitrovicen atearen inguruan.
Burkeren lehen gola Alavesekin
20 minutu geroago iritsi da Alavesen bigarren gola. Oliver Burke eskoziarrak egin du, markagailuan 2 eta 0ekoa jarriz. Burkek Alavesekin egiten duen lehen gola izan da.
Hala ere, Eibarrek ez du amore eman eta Fabian Orellanak aldea murriztu du gol bikaina sartuta, 83. minutuan. Garitanoren taldeak ondo eutsi dio emaitzari azken minutuetan eta hiru puntuak etxean geratu dira. Alavesek 27 ditu orain, jaitsiera postuak 9 puntura ditu eta Eibarrek baino lau gehiago. Armaginek lau partida daramatzate garaipenik lortu gabe.
Fitxa teknikoa:
2 - Alaves: Pacheco; Ximo Navarro, Laguardia, Magallán, Duarte; Manu García, Fejsa (Lucas Pérez, 46. min), Camarasa, Aleix, Burke (Édgar Méndez, 71. min); eta Joselu (Martín, 83. min).
1 - Eibar: Dmitrovic; Arbilla, Burgos, Bigas (De Blasis, 71. min), Cote; Edu Expósito, Diop, Cristóforo (Inui, 83. min), Pedro León (Charles, 57. min), Orellana; eta Enrich.
Golak: 1-0, 46. min: Lucas Pérez. 2-0, 66. min: Burke. 2-1, 84. min: Orellana.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.