Atletico izango da finalean, Bartzelonari emaitza irauli eta gero (2-3)
Angel Correak 87. minutuan egindako golak Superkopako finalera sailkatu du Atletico Madril, Bartzelona kanpoan utzita.
Madrildarrek Jan Oblaken geldituei esker iraun dute bizirik norgehiagokan zehar, eta, hala eta guztiz ere, katalanak aurretik ziren markagailuan (2-1) Messiren eta Griezmannen golei esker. Aitzitik, norgehiagokako azken txanpan emaitza iraultzeko gai izan dira (2-3).
Gutxien espero zenean, garaipena lortu du Simeoneren taldeak. Correak kontraeraso bat baliatu du Neto ozta-ozta gainditu (Bartzelonaren atezaina baloia desbideratzeko zorian izan da) eta markagailua irauli duen gola erdiesteko.
Horren aurretik, Bartzelonak ere buelta eman dio emaitzari, lehendabizi Atletico aurreratu baita Kokek, bigarren zatiari ekin eta berehala, lortu duen golaren bitartez. Gerora iritsi dira Lionel Messik (51. min) eta Antoine Griezmannek (62. min) sartutako golak.
VAR sistemak ere izan du zeresanik, epaileak bi gol baliogabetu baitizkio Bartzelonari: lehena, Messirena (argentinarrak eskuarekin kontrolatu du gola sartu aurretik); eta bigarrena, Piquerena (Arturo Vidal jokoz kanpo zegoen gola ekarri duen geldikako jokaldia atera dutenean).
Horrez gain, adierazi gabe utzi du Piqueren balizko penalti bat (defentsak baloia eskuarekin ukitu du baloia Morataren erdiraketa batean).
Ondorioz, zuri-gorriek jokatuko dute finala igandean, Real Madril aurkari dutela; izan ere, Zidaneren taldeak 1-3 irabazi zion bezperan Valentziari, beste finalerdian.
Fitxa teknikoa:
2 - Bartzelona: Neto, Sergi Roberto, Gerard Pique, Samuel Umtiti, Jordi Alba, Sergio Busquets (Rakitic, 83. min), De Jong (Ansu Fati, 87. min), Arturo Vidal, Messi, Griezmann eta Luis Suarez.
3 - Atletico Madril: Oblak, Trippier, Felipe, Savic, Lodi (Vitolo, 67. min), Correa, Hector Herrera [(Koke, 46. min)(Llorente, 73. min)], Thomas, Saul, Joao Felix eta Morata.
Golak: 0-1, 46. min: Koke. 1-1, 50. min: Messi. 2-1, 64. min, Griezmann. 2-2, 82. min: Morata (penaltiz). 2-3, 87. min: Correa.
Epailea: Jose Luis Gonzalez Gonzalez. Txartel horiak: Pique, Luis Suarez eta Neto (Bartzelona); Thomas, Savic eta Llorente (Atletico Madril).
Zure interesekoa izan daiteke
Reala-Athletic Errege Kopako finalerdietako itzuliko partida, martxoaren 4an, EITBn
20:30etik aurrera, asteazkenean, martxoaren 4an, ETB1ek eta kirolakeitb.eus-ek Realak eta Athleticek Anoetan jokatuko duten neurketa erabakigarriaren gaineko guztia kontatuko dizute. Reala eta Athletic, nor baino nor gehiago, eta final handirako txartela jokoan.
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.