Athletic eta Alaves nor baino nor gehiago, San Mamesen
Garitanoen arteko derbia izango da Athleticek eta Alavesek igandean San Mamesen jokatuko dutena. Bi entrenatzaleak Lezaman hazitakoak dira eta goi-mailan lekua egin dute harrobiko taldeetan egindako lan onari esker.
Gaizkak momentu ona bizi du Athleticen, zurigorriek aurreko denboraldiaren amaiera erakutsitako ildoari jarraitu baitiote Liga hasieran. Lehen lau jardunaldietan ez dute neurketarik galdu eta gol bakarra hartu dute, San Mamesen Bartzelonari eta Realari gailendu ostean.
Raul Garcia eta Iñaki Williams dira gola egiteko erantzukizuna hartu duten jokalariak. Hiru gol egin dituzte guztira, eta gol horiei esker taldeak zortzi puntu lortu ditu lau partidetan.
Alavesi dagokionez, arabarrek punturen bat atera nahi dute San Mamesetik, iragan jardunaldian Mendizorrotzan Sevillarekin 0 eta 1 galdu ostean.
Derbiari begira, Asier Garitanok jokalari guztiak erabilgarri ditu, Franco 'Burgui' kenduta, jokalariak iaz belaunean izandako lesio larriaren sendatze prozesuarekin jarraitzen du.
Bitxikeria moduan, Asier Garitano izan da, hain zuzen, San Mamesen irabaztea lortu duen azken entrenatzailea. Iaz 1 eta 3 gailendu zen Realarekin, Athleticen eserlekuan Eduardo Berizzo zegoela.
Ustezko hamaikakoak:
Athletic: Unai Simón; Capa, Yeray, Iñigo Martínez, Yuri; Dani García, Unai López; Muniain, Raúl García, Córdoba; eta Williams.
Alaves: Pacheco; Aguirregabiria, Ely, Maripán, Duarte; Vidal, Tomás Pina, Wakaso, Manu García, Rioja; eta Joselu.
Epailea: Gil Manzano (Extremadurako Batzordekoa).
VAReko epailea: Prieto Iglesias (Nafarroako Batzordekoa).
Estadioa: San Mames.
Ordua: 18.30ean.
Zure interesekoa izan daiteke
Ansotegiren Real berriak Eldenseri egingo dio bisita eta Eibarrek Elx hartuko du Ipuruan
Talde txuri-urdina emaitza krisian murgilduta iritsiko Eldara, eta Jon Ansotegik Sergio Franciscoren tokia hartu berritan. Bestalde, armaginek, jaitsiera postuetan, bi partida erabakigarri jokatuko dituzte aste honetan etxean.
“Merkatura joateko dirua daukagu”, ohartarazi du Braulio Vazquezek
Taldea neguko merkatuan berrindartzeko lanean ari dela baieztatu du Osasunako kirol zuzendariak, hala ere, gaur egungo merkatuaren konplexutasuna onartu du.
Yurik giharretako lesioa du, eta Egiluz korrika hasi da ia bost hilabete geroago
Zarautzeko hegalekoak lesioa du "eskuin hankako muskulaturan", eta, ondorioz, Athletici urtea amaitzeko geratzen zaizkion bi partidetan ez du jokatzerik izango. Bestalde, erdiko atzelari bizkaitarra bakarrik aritu da lanean, abuztuaren 6an ebakuntza egin ondoren.
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Aitor Paredes: "Partida honetatik gauza asko ikasi eta hobetu behar ditugu"
Athleticek porrota jaso du Celtaren aurka (2-0), Balaidosen. Zuri-gorriek partida irabazi behar zuten goiko postuetan geratu nahi bazuten, baina ez dute lortu. Aitor Paredesek kontatu diguna, bideo honetan.
Oviedok Luis Carrion kargutik kendu du, Sevillako jipoiaren ondoren
Carrion urrian itzuli zen Oviedora, Veljko Paunovicen ordez.
Athleticek estropezu egin du Balaidosen (2-0)
Swedberg eta El-Abdellaouiren golek eta Nico Williamsek huts egindako penaltiak Athletic porrotera eraman dute.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Sanse jaitsieratik atera da Deportivo jipoituta (0-3)
Etxetik kanpo lortutako lehen garaipenean, talde txuri-urdinak partida osoa jokatu du azken postuetatik ateratzeko.