Armaginak nagusi, emozioz betetako euskal derbian
Eibar izan da nagusi Alavesen aurka jokatu duen emozio handiko euskal derbian. Indarrean zelairatu dira bi taldeak, eta lehen aukerak eta jokoa ikusita neurketa parekatua izango zela ematen zuen, azken unera arte erabakitzen ez den horietakoa, hain zuzen ere.
Denetarik izan da norgehiagokan, ez da ezer falta izan. Partida zirraragarria, benetan, euskal zaleentzat eta futbolzale guztientzat, oro har.
Alavesi dagokionez, Pacheco atepean egon ez izana izan da albiste; Eibarren, ordea, Dmitrovic lehen hamaikakoan aritu da, oraindik erabat sendatuta ez zegoela zirudien arren.
Alavesek gol goiztiarra egin du, neurketa hasi eta hiru minutura (VAR sistema erabili behar izan dute baieztatzeko), Manu Gartziak buruz jotako erremate bati esker (0-1).
Eibarrek defentsan hobekuntzarik erakutsi gabe jarraitu du, eta orduan jaso du babazorroen gola.
22. minutuan ere erabili behar izan dute VAR sistema, Iglesias Villanueva epaileak Eibarren aldeko penaltia adierazi duenean, eta falta areaz kanpo izan dela argitu dute, baina Duarte kanporatu du epaileak, gola saihesteko falta nabarmena egin duela iritzita.
Bigarren zatian
Norgehiagokaren bigarren zatiari dagokionez, lehenengo zatiko azken minutuetako jokoak jarraipena izan du bigarrenean. Armaginak nagusitu dira, baina ez du zehaztasun handirik izan erdiraketak eta erremateak egiteko orduan.
Iglesias Villanueva epaileak De Blasis kanporatu du, inolako arriskurik ez zuen jokaldi batean, denboraz kanpo sarrera larri bat egitea egotzita.
Indarrak parekatu egin dira, eta bi taldeak 10 jokalarirekin aritu dira partida bukatu den arte.
Eibarrek gauzak inoiz baino zailago zituela zirudienean, baina, jaurtiketa ederra egin du Jordanek, partida amaitzeko 25 minutu falta zirenean, eta berdinketa jarri du markagailuan (1-1).
Azken minutuetan, Alavesek ez du aukerarik sortu Dmitrovicen ateari begira, eta horretaz baliatuz, armaginek markagailua irauli dute luzapenean, Diopek buruz egindako golari esker (2-1).
Fitxa teknikoa:
Eibar: Dmitrovic; Ruben Peña, Arbilla, Paulo, Cote (Cucurella, 65. min); Jordan, Diop, Escalante (Charles, 41. min); Orellana, Kike Garcia (Enrich, 68. min), De Blasis.
Alaves: Sivera; Martin, Laguardia, Maripan, Duarte; Manu Garcia, Tomas Pina (Brasanac, 34. min), Jony (Sobrino, 76. min), Ibai; Borja Baston (Vigaray, 28. min), Calleri.
Golak: 0-1, 3. min, Manu Garca. 1-1, 68. min, Jordan. 2-1, 90. min, Diop.
Epailea: Iglesias Villanueva.
Zure interesekoa izan daiteke
Realak sufritu du Eldan, baina Pablo Marinek azken hasperenean sartutako golari esker sailkatu da (1-2)
Sucicek aurretik jarri du talde txuri-urdina bigarren zatian, baina jarraian berdindu egin du Eldensek. Partida luzapenera bideratuta zegoela zirudienean, partidako jokaldirik onenean, Ansotegiren taldeak saria lortu du.
Eibarrek ezin izan du Elxen aurka (0-1), eta Errege Kopatik kanpo gelditu da
Adam Boayar Elxeko jokalariak egin du, 27. minutuan, final hamaseirenetako kanporaketan erabakigarria izan den gola, Ipuruan. 71. minutuan, Dituro atezainak penalti bat gelditu dio Jose Corpasi.
Alessio Lisci, Kopako Huesca-Osasuna kanporaketaz: “Alavesen aurkako partida ere izango dugu kontuan”
Errege Kopako final hamaseirenetan, Osasunak Huescaren kontra jokatuko du, Alcorazen, asteazkenean. Alessio Lisci Nafarroako taldeko entrenatzaileak onartu du larunbatean izango den Osasuna-Alaves derbiak eragina izango duela hamaikakoan, baina zehaztu ere zehaztu du: “Aterako dugun taldeak aurrera egiteko ahalmen osoa izango du”.
Coudet: "Sevilla talde ona da, oso talde fisikoa; partida gogorra izango da"
"Talde bezala hazten jarraitu behar dugu", adierazi du entrenatzaile babazorroak Sevillaren aurka Mendizorrotzan jokatu behar duten partidaren aurreko prentsaurrekoan. "Sentsazio gehiago eta hobeak ditugu, puntuak baino", gaineratu du Coudetek talde gasteiztarraren ibilbideari buruz. "Aurrekoan galtzea tokatu zitzaigun, baina neurketa bikaina jokatu genuen", gogorarazi du.
Sergio Franciscok agur esan dio Realari gutun hunkigarri batean: "Betiko eramango dut guztion maitasuna"
Txuri-urdinen entrenatzaile ohiak eskerrak eman dizkie zaleei "une zailenetan ere baldintzarik gabeko babesa" emateagatik. Gainera, futbol profesionalean "erronka berriei" aurre egiteko prest agertu da.
Ansotegiren Real berriak Eldenseri egingo dio bisita eta Eibarrek Elx hartuko du Ipuruan
Talde txuri-urdina emaitza krisian murgilduta iritsiko Eldara, eta Jon Ansotegik Sergio Franciscoren tokia hartu berritan. Bestalde, armaginek, jaitsiera postuetan, bi partida erabakigarri jokatuko dituzte aste honetan etxean.
“Merkatura joateko dirua daukagu”, ohartarazi du Braulio Vazquezek
Taldea neguko merkatuan berrindartzeko lanean ari dela baieztatu du Osasunako kirol zuzendariak, hala ere, gaur egungo merkatuaren konplexutasuna onartu du.
Yurik giharretako lesioa du, eta Egiluz korrika hasi da ia bost hilabete geroago
Zarautzeko hegalekoak lesioa du "eskuin hankako muskulaturan", eta, ondorioz, Athletici urtea amaitzeko geratzen zaizkion bi partidetan ez du jokatzerik izango. Bestalde, erdiko atzelari bizkaitarra bakarrik aritu da lanean, abuztuaren 6an ebakuntza egin ondoren.
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.