Athleticek eta Eibarrek berdindu egin dute, armaginak nagusi izan diren derbian (1-1)
Athleticek eta Eibarrek bana berdindu dute ostiral honetan San Mamesen. Armaginak nagusi izan dira ia partida guztian zehar, eta azken aldera Iago Herrerinen ate ingurura behin eta berriro hurbildu dira etxekoak estu hartuz.
Armaginak, gainera, zuri-gorriak sartutako lehendabiziko gola berdintzeko gai izan dira. Adurizek egin du gol hori 50. minutuan, Iñaki Williamsen jokaldi on baten ostean; dena den, Kike Garciak banakoa sartu du 73an, Charlesek egindako jaurtiketa baten aldaratzea baliatuta.
Adurizen kasuan, denboraldiko hamaseigarren gola da, Ligako zortzigarrena, hain zuzen ere.
Gaurko berdinketarekin Eibarrek zazpigarren postuan ekin dio jardunaldiari, Europarako txartela ematen duten postuetatik hiru puntura. Athleticek, berriz, hamar neurketa daramatza galdu gabe, eta behin-behinean hamargarren tokian dago, Europatik bost puntura.
Eibarrek hobeto ekin dio partidari. Hirugarren minuturako lehen abisua eman du urrunetik, Orellanaren baloi loratu baten bitartez; alabaina, kanpora joan da gutxigatik. Nagusitasun hori nabarmena izan da lehen zati osoan zehar, jokorik egiteko moduan egon ez den Athleticen aurrean.
Dena den, Zigandarenak izan dira tarte horretako aukera nabarmenen egileak, baina Williams ez da gai izan bisitariek 11. eta 31. minutuetan atzealdean egin dituzten akatsak baliatzeko.
Williamsen bigarren aukera horren ostean, Etxeitak eta Adurizek buruz errematatu dituzte Susaetak eta Iturraspek erdiratutako bi baloi, zehaztasunik gabe, ordea. Hortik aurrera eta atsedenaldira heldu bitartean, Eibarrek agindu du berriro zelaian.
Horren adierazle, Kike Garciak egin duen errematea (buruz hark ere), baina ate erdira atera zaio, eta Herrerinek ez du arazorik izan geratzeko.
Bigarren zatiari ekin eta bost minutura, Athleticek gola erdietsi du. Etxeitak baloi bat lapurtu du, hark Raul Garciari eman dio, eta nafarrak eskuin hegalean zegoen Williamsi zabaldu dio. Oraintsu kontratu berria sinatu duen aurrelariak bere defentsari lau keinu egin dizkio eta bigarren zutoinean jarri du baloia. Han Aduriz zegon zain, bakar-bakarrik, eta burua jarri besterik ez du egin behar izan.
Golak etxekoei mesede egin die, eta hurrengo minutuetan neurketako aginte makila eskuratu dute. Hartara, 2-0ekoa sartzetik gertu ibili dira pare bat aldiz, Raul Garciaren eta Susaetaren erremateen bitartez; aitzitik, ez da halakorik gertatu.
Pixkana-pixkana Athleticek atzera egin du, eta Eibarri utzi dio jokoaren agintea. Lehen zatian gertatu legez, ez zirudien armaginek bere nagusitasun horri etekinik ateratzeko moduan egongo zirenik, ez baitute asmatzen izan azken metroetan. Izan ere, Diopek aukera nabarmena izan du 72. minutan, baina gora joan zaio bere ahalegina.
Haatik, handik minutu batera, 73an, berdinketa erdietsi dute. Charlesek Arbillaren pase bat kontrolatu du area ertzean eta baloia astindu du. Jaurtiketak Etxeitari jo dio eta Kike Garciaren oinetara heldu da. Aurrelari armaginak ez du horrako horretan barkatu.
Hortik aurrera, lehia Mendilibarren mutilen aldera eroriko zela zirudien, azken txanpan Athletic baino askoz gehiago izan baitira. Hala ere, zuri-gorriek aukera garbi bat huts egin dute falta jaurtiketa batean. Eibarrek ez du ondo defendatu, eta Beñatek erdiratutako baloia Nuñezen burura iritsi da, baina Portugaletekoak burukada kaskarra eman dio baloiari.
Horren ostean, ordea, Athletic desagertu egin da, eta bere areatik baloiak urruntzen besterik ez da aritu, Eibarren bultzadaren aurrean. Azkenerako, puntu banaketa, baina oso bestelako sentsazioak utzi ditu berdinketak talde bakoitzean: etxekoen aldetik, ezintasuna; Eibartarren aldetik, berriz, gehiago lortu ahal izan dutela.
Fitxa teknikoa:
Athletic 1: Iago Herrerín; Lekue, Unai Núñez, Etxeita, Saborit; Williams, Iturraspe, Mikel Rico (Beñat, 79. min) Susaeta (Vesga, 87. min); Raúl García (Sabin Merino, 70. min) eta Aduriz.
Eibar 1: Dmitrovic; Rubén Peña, Ramis, Arbilla, Junça (Capa, 79. min); Escalante, Pape Diop; Iván Alejo (Charles, 61. min), Orellana, Inui; eta Kike García.
Golak: 1-0, 50. min: Aduriz. 1-1, 73. min: Kike García.
Epailea: Melero López (Andaluzia). Ez du txartelik atera.
Zure interesekoa izan daiteke
Coudetek Jonnyren eta Boyeren lesioak deitoratu ditu: "Sevillaren aurkako partida nahiko garesti atera zaigu"
Arabako entrenatzailearen ustez, taldeak "joko ona" egin du, eta "garaipena merezi izan dute". Gainera, bigarren gol batekin partida itxi ezin izana deitoratu du: "Azken jokaldiarekin apur bat sufritzen bukatzen dugu beti". Azaldu duenez, Jonnyren arazoa gainkarga bat dela dirudi, baina Lucas Boyeren lesioa, "ziurrenik, konplexuagoa izango da".
Carlos Vicentek penaltiz sartutako gol batek Alaves final-zortzirenetara sailkatu du, Sevilla menderatuta
Lucas Boye bigarren zatian zelairatu izana erabakigarria izan da partida. Aurrelari argentinarrak penaltia probokatu du, eta handik gutxira min hartuta ordezkatu behar izan dute.
Osasunak luzapenean kanporatu du Huesca (2-4), eta Errege Kopako final zortzirenetan da
Huesca 1-0 aurreratu da, baina Raul Garcia de Harok berehala egin du berdinketa; luzapenean, Raul Garcia de Harok, beste behin, 1-2koa sartu du, Osambelak 2-3koa lortu du, eta Budimirrek egin du laugarrena.
Valverde: "Dagoen zelaira egokitu behar gara, Kopa horrelakoa da, ezustekoz beteriko kutxa bat"
"Kanpoko jendeak ez daki zelako zailtasunak dakartzaten tankera honetako partidek. Are gehiago, batzuetan jokalariek ere ez dakite. Neurketa hasten denean konturatzen dira, eta une horretan dagoeneko galtzen ari zara", ohartarazi du Athleticen prestatzaileak Kopako final-hamaseirenetako kanporaketaren atarian.
Alavesek Sevilla hartuko du lehen mailako taldeen arteko lehia bakarrean, eta Osasunak Huescan lortu beharko du sailkapena
Babazorroek Sevilla hartuko dute Mendizorrotzan, Ligan Real Madril atakan jarri ostean. Bestalde, Osasuna Kopan aurrera egiteko ilusioarekin iritsiko da Huescara, nahiz eta Alavesen aurkako larunbateko derbiari begira egon.
Realak sufritu egin du Eldan, baina Pablo Marinek azken hasperenean sartutako golari esker sailkatu egin da (1-2)
Sucicek aurretik jarri du talde txuri-urdina bigarren zatian, baina jarraian berdindu du Eldensek. Partida luzapenera bidera zihoala zirudienean, partidako jokaldirik onenean, Ansotegiren taldeak saria lortu du.
Eibarrek ezin izan du Elxen aurka (0-1), eta Errege Kopatik kanpo gelditu da
Adam Boayar Elxeko jokalariak egin du, 27. minutuan, final-hamaseirenetako kanporaketan erabakigarria izan den gola, Ipuruan. 71. minutuan, Dituro atezainak penalti bat gelditu dio Jose Corpasi.
Alessio Lisci, Kopako Huesca-Osasuna kanporaketaz: “Alavesen aurkako partida ere izango dugu kontuan”
Errege Kopako final-hamaseirenetan, Osasunak Huescaren kontra jokatuko du, Alcorazen, asteazkenean. Alessio Lisci Nafarroako taldearen entrenatzaileak onartu du larunbatean izango den Osasuna-Alaves derbiak eragina izango duela hamaikakoan, baina zehaztu ere zehaztu du: “Aterako dugun taldeak aurrera egiteko ahalmen osoa izango du”.
Coudet: "Sevilla talde ona da, oso talde fisikoa; partida gogorra izango da"
"Talde bezala hazten jarraitu behar dugu", adierazi du entrenatzaile babazorroak Sevillaren aurka Mendizorrotzan jokatu behar duten partidaren ateriko prentsaurrekoan. "Sentsazio gehiago eta hobeak ditugu, puntuak baino", gaineratu du Coudetek babazorroen ibilbideari buruz. "Aurrekoan galtzea tokatu zitzaigun, baina neurketa bikaina jokatu genuen", gogorarazi du.
Sergio Franciscok agur esan dio Realari, gutun hunkigarri batean: "Betiko eramango dut guztion maitasuna"
Txuri-urdinen entrenatzaile ohiak eskerrak eman dizkie zaleei "une zailenetan ere babes leiala" emateagatik. Gainera, futbol profesionalean "erronka berriei" aurre egiteko prest agertu da.