Athleticek irabazi du Alavesen aurkako derbia
Athleticek 2-0 irabazi dio Alavesi San Mamesen jokatu den euskal derbia. Hiru puntu hauei esker, zuri-gorriek 24 puntu dituzte, jaitsiera postuak 9 puntura utzi dituzte, eta Europa Ligako postuan dagoen Vila-real lau puntura dute. Alaves (15 puntu), aldiz, jaitsiera postuetan da porrot honen ondorioz eta Deportivok (16 puntu) Vila-realen aurka puntu bat ateratzearen eraginez.
Partidari hobeto ekin dio Athleticek eta zuri-gorriak nagusi izan dira hasierako minutuetan. Neurketako lehen abagunea Bizkaiko taldeak izan du 7. minutuan, baina Williamsen errematea Pacheco atezainak desbideratu du. Bi minutu beranduago, 9. minutuan, Athleticek gola sartu du Etxeitaren bitartez (1-0) korner batean. Alavesen erantzuna 14. Minutuan etorri da kontraeraso baten ondorioz, baina Burguik jaurtiketa oso desbideratua egin du. Neurketako 20. minutura iritsi orduko, Pacheco atezainak Athleticen gola eragotzi du Raul Garciaren errematea geldituta. Alavesek arriskua sortu du lehen zatiko azken minutuetan, baina ez du abagune argirik izan. Athleticek, bestalde, abantaila handitzeko aukera izan du; Pacheco atezainak, ordea, gola eragotzi du Adurizen erremateari erantzun bikaina emanda.
Bigarren zatia Herrerinek gelditu duen Bojanen jaurtiketa batekin hasi da, eta Alavesek lehen abisua eman duen arren, minutuak aurrera joan ahala, Athletic hasi da nagusitzen. Hala ere, talde zuri-gorriari kosta egin zaio abagune argiak sortzea. Neurketako 61. minutuan Pedrazak arriskua sortu du jokaldi bikaina eginda, baina Laportek baloia lapurtu dio azken unean. Hurrengo jokaldian, Pacheco atezainak Athleticen gola saihestu du Adurizen errematea geldituta. Athletic gero eta arrisku handiagorekin hasi da Alavesen atera gerturatzen eta 63. minutuan, epaileak Athleticen aldeko penaltia adierazi du. Raul Garcia eta Alexis erori egin dira area barruan eta epaileak penaltia adierazi du; badirudi epailea erratu egin dela erabaki horretan. Adurizek 2-0ekoa sartu du, 11 metroetatik Pacheco maisuki gaindituta. Bigarren golak min egin dio Alavesi eta Athleticek aldeak handitzeko aukerak izan ditu. Williamsek izan du argienetako bat, baina Pachecoren aurrean kanpora bidali du jaurtiketa. Alavesek ez du arriskurik sortu Athletcen ate inguruan azken minutuetan eta hiru puntuak eskuratu ditu talde zuri-gorriak.
Fitxa teknikoa:
2 - Athletic: Iago Herrerin; De Marcos (Lekue, m.83), Etxeita, Laporte, Saborit; Williams, Iturraspe, Mikel Rico, Susaeta; Raul Garcia (Beñat, m.80) eta Aduriz (Sabin Merino, m.91).
0 - Alaves: Fernando Pacheco; Martin Aguirregabiria, Alexis, Maripan, Duarte; Manu Garcia, Pina (Medran, m.66); Ibai (Ruben Sobrino, m.72), Burgui (Bojan, m.21), Pedraza; eta Munir.
Golak: 1-0, m.8: Etxeita. 2-0, m.64: Aduriz, penaltiz.
Epailea: Gonzalez Fuertes.
Zure interesekoa izan daiteke
Lisci: “Osasunari ondo ematen ez zaion aurkaria dugu aurrean"
Osasunako entrenatzaileak Betisen aurka jokatuko duten EA Sports Ligako 31. jardunaldiko partidaz hitz egin du.
Iker Muñozek 2030era arte berritu du kontratua Osasunarekin
Klubak akordioa lortu du futbolariarekin beste hiru urtez gorritxo bezala jarraitzeko.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Iraola kontratua berritzearen inguruan ari da hizketan Bournemouthekin, baina akordiorik gabe
Iraolak hiru denboraldi daramatza Bournemouthen, eta klubak kontratua berritu nahi dio, baina honek ez du oraindik erabaki zein izango den bere hurrengo urratsa.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.