Real Madril, munduko txapeldun
Real Madril Munduko Txapeldun izendatu da igande honetan finalean Kashima Antlers taldeari 4-2 irabazita. Uste baino gehiago sufrituta eta luzapenaren beharrarekin lortu du garaipena Madrileko taldeak.
Zinedine Zidanek zuzentzen duen taldeak 8. minutuan hartu du aurrea markagailuan Benzemaren golari esker (1-0). Ondoren, kontrolpean izan du partida Real Madrilek, baina lehen zatiko azken 10 minutuetan Kashima nagusi izan da, eta japoniarrek lehia berdintzea lortu dute atsedenaldira iritsi orduko Shibasakiren gol baten bitartez (1-1).
Bigarren zatiaren hasieran Kashimak bigarren gola sartu du (1-2). Shibasaki izan da berriro golegilea. Real Madrili maldan gora jarri zaio neurketa, baina partida azkar berdintzea lortu du. Lucas Vazquezi penalti argia egin diote, eta Cristiano Ronaldok binakoa (2-2) sartu du 11 metroetatik. Norgehiagokaren azken minutuetan Kashimak garaipena lortzeko abaguneak izan ditu, baina partida bina (2-2) berdinduta bukatu da, eta lehiak luzapena behar izan du.
Luzapenean Real Madril nagusi izan da, eta lehen zatian garaipena bideratuta utzi du. Cristiano Ronaldok 3-2koa sartu du 98. minutuan eta CR7k berak neurketa erabakita utzi du (4-2) hat-tricka sartuta, 104. minutuan.
Fitxa teknikoa:
4- Real Madril: Navas, Carvajal, Ramos (Nacho, m.108), Varane, Marcelo; Casemiro, Kroos, Modric (Kovacic, m.106); Lucas Vazquez (Isco, m.80), Cristiano Ronaldo (Morata, m.112) eta Benzema.
2- Kashima Antlers: Sogahata; Nishi, Ueda, Shoji, Shuto; Endo (Ito, m.102), Shibasaki, Ogasawara (Fabricio, m.67), Nagaki (Akasaki, m.114); Kanazaki y Doi (Suzuki, m.88).
Golak: 1-0, m.9: Benzema. 1-1, m.44: Shibasaki. 1-2, m.52: Shibasaki. 2-2, m.60: Cristiano Ronaldo (p.). 3-2, m.98: Cristiano Ronaldo. 4-2, m.104: Cristiano Ronaldo.
Epailea: Janny Sikazwe (ZAM).
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.