5 milioi arteko isuna eskatu du Europak Athletic eta Osasunarentzat
Legez kontrako diru laguntza publikoak itzultzeko eskatu die Europako Batzordeak Athletici, Osasunari eta beste bost futbol talderi. Bi euskal taldeez gain, tartean daude Real Madril, Bartzelona, Valentzia, Hercules eta Elx.
Europako Batzordeak hiru ikerketa ireki zituen aipaturiko zazpi taldeek Estatuaren legez kontrako laguntzak jaso ote zituzten argitzeko. Ikerketaren ostean Europak ebatzi du zazpi talde horiek beste talde batzuek ez dituzten "onurak" jaso dituztela eta, beraz, Estatuko diru laguntzei buruz Europar Batasunak dituen arauak urratu dituztela.
Athletic, Osasuna, Bartzelona eta Real Madril taldeek 5 milioi euro arteko isuna ordaindu beharko dute zerga abantailak izateagatik.
Real Madrilen kasuan, Europak 18,4 milioi euro itzultzea eskatu dio talde madrildarrari bere instalazioak eraikitzeko lurren trukean iruzurra egin zuela leporatuta.
Bestalde, Valentzia, Hercules eta Elx taldeei 20,4 milioi, 6,1 milioi eta 3,7 milioi euro eskatu dizkie Valentziako Finantza Institutuak hiru talde horiei emandako abalak tarteko.
Margrethe Vestager Europako Batzordeko Lehia komisarioak azaldu duenez, "zergadunen dirua futbol talde profesionalak finantzatzeko erabiltzeak lehia faltsutu dezake". "Futbol profesionalean diru asko dago jokoan. Diru funtsa publikoek lehia zintzorako arauak bete behar dituzte eta kasu honetan ikertutako diru laguntzen ez zituzten bete", gaineratu du.
Athleticek dio bete egin duela legea
Athletic Clubek adierazi du ez duela zergarik "ordaindu gabe", Europako Batzordeak legez kanpoko laguntza publikoak jasotzea egotzi ostean.
Klub zurigorriak prentsa ohar bat publikatu du, eta, horretan, gogorarazi du "irabazi asmorik gabeko kirol elkartea" dela, eta, horren arabera, "ordaindu egin dituela zergen arloko betebeharrak". "Bete egin dugu legedia beti", gaineratu du.
"Athleticen kasuan, ez du zergarik ordaindu gabe; horregatik [Bruselaren] erabakiak ez du ondoriorik zergen likidazioan", azaldu dute talde bilbotarrean.
Klubaren esanetan, Europako Batzordeak ez dio ezer jakinarazi "ofizialki", eta, egin ostean, "aztertu" egingo du idatziaren edukia, hurrengo pausoak erabakitzeko.
Aldundiak araua aldatuko du
Bestalde, Bizkaiko Foru Aldundiak futbol taldeen zerga tratamenduari buruzko foru araua Europako araudira moldatuko du .
Foru Diputazioko iturriek azaldu dutenez, Aldundiak 4 hilabeteko epea izango du foru araua Europako araudira moldatzeko eta horretarako beharrezkoak diren neurriak hartuko ditu.
Bizkaiko Diputazioak zehaztu du oraindik ez duela Europako Batzordearen erabakiari buruzko ebazpena jaso eta, beraz, azaldu du ez duela baloraziorik egingo jakinarazpena jaso eta gaia aztertu arte.
Diputazioak dirua itzultzeko Athletici eskaera egingo ote dion galdetuta, Aldundiak nabarmendu du ez duela erabakirik hartuko harik eta ebazpena "zehatz-mehatz" aztertu arte.
Zure interesekoa izan daiteke
Jauregizar: "Athleticekin gola sartzea beti da sentsazio oso polita"
Erdilari bermeotarrak zuri-gorriei final-zortzirenetarako sailkapena eman dien gola egin du. Bere taldeak "hasieratik amaierara oso partida serioa" jokatu duela uste du. Jauregizar pozik azaldu da bere golak sailkatzeko balio izan duelako.
Jauregizarrek Athletic erreskatatu du luzapenean, O Couto futbol-zelaiko lokatzean (0-1)
Valverderen mutilek hasiera txarra eman diote neurketari, baina minutuek aurrera egin ahala hobetzen joan dira. Hala ere, gol aukera oso gutxiko norgehiagoka izan da. Bigarren zatian Guruzetak baloi bat langara bidali du, aurreneko 90 minutuetako aukerarik argienean.
Berriatua, Jagoba Arrasate eta Jon Ansotegi lehen mailako entrenatzaileez harro
2.000 biztanleko herri honetakoa ezohiko kasua da, bere herritarren artean lehen mailako bi entrenatzaile baititu. Jagoba Arrasateri Jon Ansotegi gehitu zaio aste honetan, eta, gainera, koadrila berekoak dira.
Coudet, Jonnyren eta Boyeren lesioez: "Sevillaren aurkako partida nahiko garesti atera zaigu"
Argentinako entrenatzailearen ustez, taldeak "joko ona" egin du, eta "garaipena merezi izan du". Gainera, bigarren gol batekin partida itxi ezin izan delako etsituta agertu da: "Azken jokaldiarekin apur bat sufritzen bukatzen dugu beti". Azaldu duenez, Jonnyren arazoa gainkarga bat dela dirudi, baina Lucas Boyeren lesioa "ziurrenik, konplexuagoa izango da".
Carlos Vicentek penaltiz sartutako gol batek Alaves final-zortzirenetara sailkatu du, Sevilla menderatuta
Lucas Boye bigarren zatian zelairatu izana erabakigarria izan da partida. Aurrelari argentinarrak penaltia eragin du, eta, handik gutxira, min hartuta, ordezkatu behar izan dute.
Osasunak luzapenean kanporatu du Huesca (2-4), eta Errege Kopako final-zortzirenetan da
Huesca 1-0 aurreratu da, baina Raul Garcia de Harok berehala egin du berdinketa; luzapenean, Raul Garcia de Harok, beste behin, 1-2koa sartu du, Osambelak 2-3koa lortu du, eta Budimirrek egin du laugarrena.
Valverde: "Dagoen zelaira egokitu behar gara, Kopa horrelakoa da, ezustekoz beteriko kutxa bat"
"Kanpoko jendeak ez daki zelako zailtasunak dakartzaten tankera honetako partidek. Are gehiago, batzuetan jokalariek ere ez dakite. Neurketa hasten denean konturatzen dira, eta une horretan dagoeneko galtzen ari zara", ohartarazi du Athleticen prestatzaileak Kopako final-hamaseirenetako kanporaketaren atarian.
Alavesek Sevilla hartuko du lehen mailako taldeen arteko lehia bakarrean, eta Osasunak Huescan lortu beharko du sailkapena
Babazorroek Sevilla hartuko dute Mendizorrotzan, Ligan Real Madril atakan jarri ostean. Bestalde, Osasuna Kopan aurrera egiteko ilusioarekin iritsiko da Huescara, nahiz eta Alavesen aurkako larunbateko derbiari begira egon.
Realak sufritu egin du Eldan, baina Pablo Marinek azken hasperenean sartutako golari esker sailkatu egin da (1-2)
Sucicek aurretik jarri du talde txuri-urdina bigarren zatian, baina jarraian berdindu du Eldensek. Partida luzapenera bidera zihoala zirudienean, partidako jokaldirik onenean, Ansotegiren taldeak saria lortu du.
Eibarrek ezin izan du Elxen aurka (0-1), eta Errege Kopatik kanpo gelditu da
Adam Boayar Elxeko jokalariak egin du, 27. minutuan, final-hamaseirenetako kanporaketan erabakigarria izan den gola, Ipuruan. 71. minutuan, Dituro atezainak penalti bat gelditu dio Jose Corpasi.