Eibarrek Reala gainditu du Lehen Mailako estreinaldian
Eibarrek modu ezin hobean ekin dio Lehen Mailako abenturari. Gaizka Garitanoren taldeak Reala hartu du mendean (1-0), ligako lehen jardunaldian. Javi Lara izan da golegilea.
Lehen zatiaren hasiera erritmo handikoa izan da, batez ere, Eibarrek ezarritakoa. Neurketaren aurreneko gol-aukera Canalesek izan du, baina baloiaren jabetza Eibarrena izan da. Etxeko taldea gehiago izan da.
Gaizka Garitanoren taldeak markagailua estreinatzeko hainbat aukera izan ditu, baina argiena 23. minutukoa izan da: Zubikaraik kostata urrundu du Javi Lararen errematea, aldaratzea Arruabarrenari heldu zaio eta atezain txuri-urdinak kornerrera bidali du, modu ezin hobean. Jagoba Arrasateren taldean, Sergio Canales izan da etxekoen ate ingurura arrisku gehiagorekin hurbildu den gizona.
Eta Eibarren gola 45. minutuan heldu da. Javi Larak zuzenean jaurti du falta bat, kornerretik gertu eta ia ikuspegirik gabe, eta bigarren zutoinean Zubikarai gainditu du (1-0).
52.ean, norgehiagoka berdintzeko urrezko aukera izan du Imanol Agirretxek, baina erdira errematatu du aurrelariak eta Iruretak ez du bere jaurtiketa gelditzeko arazorik izan.
Realaren jokoak hobera egin du minutuek aurrera egin ahala, eta jokaldi arriskutsuak sortu ditu. Hala ere, Eibarrek ez du amore eman eta 68.ean gutxigatik ez du 2-0ekoa sartu. Caparen erdiraketa arriskutsua ezin izan du Del Moralek errematatu.
Velak gutxigatik ez du banakoaren gola sartu, 76.ean, baina bere burukada kanpora joan da. Hobeto aritu da talde txuri-urdina Arrasatek egindako aldaketekin, baina Eibarrek bikain defendatu du.
Fitxa teknikoa:
1.- SD Eibar: Xabi Iruretagoiena; Boveda, Albentosa, Raul Navas, Abraham; Errasti, Dani García; Capa (Piovaccari, 92'), Arruabarrena, Javi Lara (Lillo, 84'); eta Angel (Manu del Moral, 65').
0.- Reala: Zubikarai; Carlos Martínez (Zaldua, 75'), Elustondo, Iñigo Martinez, Yuri (Chory Castro, 70'); Markel Bergara; Granero, Zurutuza (Carlos Vela, 62'); Prieto; Agirretxe eta Canales.
Gola:
1-0. 44': Javi Lara.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.