Alaves eta Eibar, final-hamaseirenetarako sailkapenaren bila
Alavesek eta Eibarrek Errege Kopako hirugarren kanporaketa jokatuko dute asteazken honetan (20:00etan). Arabarrek Huracan izango dute aurkari Valentzian, eta armaginek Ipuruan jokatuko dute Arroyoren aurka.
Sailkapena lortzea oso garrantzitsua da bi taldeentzat. Final-hamaseirenetarako txartela lortuz gero, Europako Txapelketaren baten parte hartzen ari den BBVA Ligako talde baten aurka jokatzeko aukera dute. Bartzelona, Real Madril, Valentzia, Malaga, Atletico Madril, Levante eta Athletic izan daitezke Alavesen eta Eibarren aurkariak final-hamaseirenetan.
Eibarrek Ipuruan jokatuko du Arroyoren aurka. Cacereseko taldea da Arroyo, eta Bigarren B Mailako IV. multzoko laugarren postuan daude. Juan Marrerok zuzentzen du Extremadurako talde hau, eta Iban Espadas Azpeitiako aurrelariak jokatzen du Extremadurako talde honetan.
Bestalde, Alavesek Valentzian jokatuko du Huracanen aurka. Alaves Bigarren Mailako II. multzoko liderra da, eta Huracan III. Multzoko liderra da partidarik galdu gabe. Jokatu dituzten hamar partidetatik, valentziarrek sei partida irabazi, eta lau berdindu dituzte. Huracanen ere, badago euskal jokalaririk: Javi Navarro aurrelari santurtziarrak jokatzen du talde valentziar honetan.
Errege Kopako hirugarren kanporaketako partiden ordutegiak:
Urriaren 17a, asteazkena:
Lucena-Cacereño 21:00 h
Huracan-Alaves 20:00 h
AE Prat-Llagostera 20:45 h
Constancia-Melilla 20:30 h
Eibar-Arroyo 20:00 h
Noja-Jaen 19:30 h
Almeria-Alcorcon 21:00 h
Sabadell-Cordoba 21:00 h
Huesca-Ponferradina 21:00 h
Sporting Gijón- Mirandés 21:00 h
Urriaren 18a, osteguna
Las Palmas- Racing Santander 21:00etan (penintsulako ordutegia)
Zure interesekoa izan daiteke
Reala-Athletic Errege Kopako finalerdietako itzuliko partida, martxoaren 4an, EITBn
20:30etik aurrera, asteazkenean, martxoaren 4an, ETB1ek eta kirolakeitb.eus-ek Realak eta Athleticek Anoetan jokatuko duten neurketa erabakigarriaren gaineko guztia kontatuko dizute. Reala eta Athletic, nor baino nor gehiago, eta final handirako txartela jokoan.
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.