Bera Bera, Erreginaren Kopako txapeldun
Super Amara Bera Bera da 2019ko Erreginaren Kopako txapelduna, finalean BM Aula Alimentos de Valladolidi aise menderatuta (17-30). Seigarren aldiz lortu du Bera Berak Kopa irabaztea.
Valladolidek sartu du partidako lehen gola (1-0), baina azkar erantzun dio Bera Berak, neurketa berdinduta (1-1). Ondoren, nagusi izan da erabat Super Amara Bera Bera, eta zortzi goleko abantaila eskuratu du (1-9). Valladolid ezinean ibili da, ez du jakin nola zulatu talde gipuzkoarraren defentsa, eta zazpi metroko jaurtiketa baten bitartez lortu du bigarren gola sartzea (2-9).
Desabantaila sei golera murriztea lortu du Valladolidek (4-10), baina Super Amara Bera Berak lan ona egiten jarraitu du, eta ez dio utzi aurkariari gehiago hurbiltzen. Gainera, abantaila handitu du lehen zatiko azken txanpan, eta hamar goleko aldearekin heldu da atsedenaldira (8-18).
Bigarren zatiari, lau gol jarraian sartuta ekin dio Super Amara Bera Berak, eta hamalau goleko errenta lortu du (8-22). Ondoren, Valladolidek beste lau gol segidan sartu ditu (12-22).
Bera Berak berriro defentsa sendotu du, aurkariari ezustekorako aukerarik ez emateko, eta nagusi izaten jarraitu du. Valladolidek ez du estutasunetan jarri euskal taldea, eta Super Amara Bera Berak garaipena erdietsi du (17-30).
Fitxa teknikoa:
17 - BM Aula Alimentos de Valladolid (8+9): Guerra (a), Cozzi (1), Cifuentes (7), Bolling (-), Teresa Alvarez (1), Cuadrado (2) eta Viloria (1) —hasierako taldea—; Sanz (oa), Cesareo (3, 1p), Maria Gonzalez (-), Monica Gutierrez (-), Nieto (1), Bartolome (1) eta Cossío (-).
Entrenatzailea: Miguel Angel Peñas.
30 - Super Amara Bera Bera (18+12): Renata Lais (a), Cardoso (5, 2p), Etxeberria (3), Sans (1), Arderius (4), Teres (2), Karsten (4) eta Gil (3) —hasierako taldea—; Castellanos (oa/2), Arrojeria (2), Ezkurdia (-), Berasategi (1), Aramendia (-), Azurmendi (-), Menendez (2) eta Camejo (1).
Entrenatzailea: Imanol Alvarez.
Partzialak bost minutuero: 1-3, 1-8, 3-10, 5-14, 7-16, 8-18 (atsedenaldia); 9-22, 11-22, 12-24, 13-27, 14-29 eta 17-30 (amaiera).
Epaileak: Yon Bustamante Lopez eta Javier Alvarez Mata. Valladolideko jokalari bat egotzi dute (Cifuentes), eta Bera Berako bi (Etxeberria eta Azurmendi).
Zure interesekoa izan daiteke
Bera Bera Europa Ligatik kanporatu dute; Beti-Onakek, berriz, aurrera egin du Europako Kopan
Bera Bera eta Dijonen arteko kanporaketa penaltietan erabaki da (30-26). Beti-Onakek, ostera, kanporaketako bi partidak irabazi dizkio Yellow Winterthur taldeari, eta Europako Kopako final-zortzirenetan izango da.
Imanol Alvarez: ''Defentsan egongo da gakoetako bat''
Super Amara Bera Berak Dijoni egingo dio bisita igandean, Europa Ligan aritzeko pasea lortzeko. Donostiako taldea 3 goleko errentarekin abiatuko da. Kruijswijk min hartuta dago, eta zalantzan dago parte hartzeko moduan izango den. Imanol Alvarezen ustez, defentsan egongo da gakoetako bat.
Anne Erauskin, Bera Berako jokalaria: ''Gakoa lasaitasuna mantentzea izango da''
Hiru goleko aldeari eutsi nahi dio Dijonen Super Amara Bera Berak, joaneko partidako abantaila aprobetxatzeko. Anne Erauskin jokalariak partidako gakoei buruz hitz egin du.
Bera Berak Beti Onak menderatu du derbian (27-30)
Nafarroako taldeak bigarren zati ona egin zuen arren, Donostiakoak izan ziren nagusi, hiru goleko aldeaz, Atarrabian jokatutako partidan.
Bera Berak lehen kolpea eman du Dijonen aurkako kanporaketan (22-19)
Donostiako taldeak 22-19 irabazi dio Dijon talde indartsuari, eta hiru goleko errenta izango du Frantzian jokatuko den itzuliko partida erabakigarrian.
Imanol Alvarez: ''Bi borrokaldi izango direla kontuan hartuta lehiatu behar dugu''
Super Amara Bera Berak Dijon Frantziako talde indartsuaren aurka jokatuko du larunbatean, etxean, EHF Europa Ligako multzoen fasera sailkatzeko kanporaketako joaneko partida. Imanol Alvarezek adierazi du haiek direla, a priori, faboritoak.
Maitane Etxeberria: ''Defentsarekin eta kontraerasora igota min egin dezakegula uste dut''
Super Amara Bera Berak Dijonen bisita hartuko du Gascan, larunbat honetan, EHF Ligako kanporaketetako joaneko partidan. Maitane Etxeberriak neurketa nola ikusten duen azaldu du elkarrizketa honetan.
Bera Berak Iberiar Superkopa irabaziz ekin dio denboraldi berriari
Euskal taldeak ezin hobeto ekin dio 2025-26 denboraldiari; astelehen arratsaldean aurkezpena egin du, Donostian.
Bera Berak erakustaldia emanda irabazi du Iberiar Superkopa
Donostiako taldea hasieratik bukaeraraino izan nagusi, eta 38-21 garaitu du Benfica, Anaitasunan jokatutako finalean, Iberiar Superkopa hirugarren urtez jarraian bereganatzeko.
Bera Berak gaur jokatuko du Iberiar Superkopako finala, Benficaren aurka
Finala Anaitasuna pabiloian jokatuko dute, 20:00etan, eta neurketa zuzenean emango dugu ETB4n eta eitb.eus atarian.