Joseba Rodriguez 'Haito' entrenatzaileak Zuazon jarraituko du datorren denboraldian
Joseba Rodriguez 'Haito' entrenatzaileak Zubileta Evolution Zuazo taldean jarraituko du beste denboraldi batez, klubak ostiral honetan, maiatzaren 19an, jakinarazi duenez. Haitok kontratua berritu du 2023-2024 denboraldi amaierara arte.
Hala, Joseba Rodriguezek bere bosgarren denboraldia beteko du Barakaldoko taldean, 2018-2019 denboraldian hartu baitzuen entrenatzaile kargua. Klubeko zuzendaritza zein Haito bera "pozik" azaldu dira kontratua berritu ostean.
Zuazo Ohorezko Mailako play-downa jokatzen ari da; hau da, maila eusteko ligaxka. Barakaldoko taldeak oso zail du maila gorenean mantentzea, baina ez du itxaropena galtzen. Larunbatean, maiatzaren 20n, ligaxkako laugarren jardunaldiko partida jokatuko du Beti Onaken aurka, eta garaipenak bakarrik balio dio mailari eusteko aukerekin jarraitzeko. Nafarroan galduz gero, jaitsi egingo da Zuazo.
Zure interesekoa izan daiteke
Julen Mujika: “Ez gara lehiatu, eta zeharo gailendu zaizkigu”
Irudek Bidasoa Irunek porrot gogorra jaso du Bartzelonaren aurka jokatu duen Errege Kopako finalean (17-37), eta Julen Mujika minduta eta etsita agertu da norgehiagoka amaitutakoan.
Barçak zeruetatik jaitsi du Bidasoa Irun Errege Kopako finalean (17-37)
Alex Mozasek zuzentzen duen taldeak Europan jokatzeko txartela lortu zuen atzo finalerako sailkapena lortuta, baina gaur ezin izan dio aurre egin Bartzelona ahalguztidunari.
Eneko Furundarena: “Helburua Kopa sentsazio onekin amaitzea zen, eta lortu dugu"
Irudek Bidasoa Irun taldeko jokalariak Errege Kopako finalera sailkatu izanaz hitz egin du, finalerdietan Huesca garaitu ondoren (30-37). Finalean, azken urteetako Bartzelona txapelduna izango dute aurrean.
Sari bikoitza Irudek Bidasoa Irunentzat Alacanten
Irungo taldea Errege Kopako finalerako sailkatu da Bada Huesca 30-37 garaituta, eta hurrengo denboraldian Europan jokatzeko txartela ziurtatu du gainera. Finala, igande honetan, 17:00etan, FC Bartzelonaren aurka.
Gorka Nieto: “Defentsan izugarria izan da partida, egon diren defentsa guztiek oso lan ona egin dute, eta batez ere Leo izugarria izan da"
Irudek Bidasoa Irunek Bathco Torrelavegaren aurka Errege Kopako final laurdenetan lortutako garaipenaren ostean, jokalari bizkaitarrak prentsaren galderei erantzun die. Bertan bere taldea goraipatu du, bereziki Leo Maciel atezaina.
Bidasoa Irun Errege Kopako finalerdietara igaro da, Torrelavega kanporatuta (32-26)
Alex Mozasen taldeak Bada Huesca izango du aurkari larunbateko finalerdian, Horneo Alacant 31-32 mendean hartu ondoren.
Erik Balenciaga: “Lortu duguna handia izan da”
Erik Balenciaga zarauztarrak Alemaniako Melsungen eskubaloi taldean jokatzen du, eta Europa Liga irabazi berri du, klub horren historiako lehen titulua, hain justu ere. Etxera bueltan, harekin izan gara.
Alexandra Shunuren fitxaketa iragarri du Bera Berak
Angolarrak 28 urte ditu, eskuin hegalean jokatzen du eta azken hiru denboraldietan Benfican jokatu ondoren heldu da Donostiara.
Bidasoa Irunek Europako postu baten bila ekingo dio Errege Kopari
Alex Mozasek zuzentzen duen taldeak Bathco BM Torrelavega izango du aurkari final-laurdenetan, denboraldi honetan gauzak oso zail jarri dizkion Jacobo Cuetarak entrenatutako taldea.
Amandine Balzincek Bera Beraren atea indartuko du 2028ra arte
Atezain frantziarra Mecalia Atletico Guardes taldetik dator, hurrengo bi denboraldietan Donostiako proiektuan sartzeko.