Donostiarrak Hondarribia gainditu du Getxon garaipena lortzeko

Donostiarra ontzi gipuzkoarrak garaipena lortu du larunbat honetan Getxoko uretan eta Hondarribiaren lidergoa estutu du Eusko Label Ligan.

Torrekua jaun eta jabe izan da estropada osoan zehar, nahiz eta azkenean Ama Guadalupekoa hurbildu zaion eta Donostiarren garaipena bi segundo baino gutxiagokoa izan zen, 1.70 segundokoa hain zuzen ere.

Horrela, Donostiarra Hondarribiatik puntu bakarrera dago. Bi ontziek hiru estropada irabazi dituzte jokatu diren bederatzietatik.

Ohorezko txandako beste bi traineruek, Bermeo-Urdaibaik (bi irabazi ditu) eta Oriok (lehenengoan nagusitu zen), ez dute garaipenerako aukerarik izan. Beraz, sailkapen nagusian 6 eta 12 puntura urrundu dira, hurrenez hurren.

Kaiku Orio gainditzear egon da, denboraldiko ezustekoen ildoan bigarren txandan nagusi izan baita.