Cabok Orioko estropadan jarritako helegitea baietsi du epaileak

Lehiaketako epaileak atzera bota du Aresen inpugnazioa, Eusko Label Ligako bosgarren jardunaldiko deskalifikazioagatik, baina Cabok jarritakoa onartu du.

Cabo eta Ares elkarrekin talka eginda helmugaratu ziren eta epaileek bi ontziak deskalifikatzea erabaki zuten. Hala ere, Aresek eta Cabok erabakiaren aurkako helegitea aurkeztu zuten, eta ACTko epaile bakarrak kontuan hartu du Cabok aurkeztutako errekurtsoa.

Beraz, Cabok ez zuela Ares abordatu ondorioztatzen da, eta ez da deskalifikatuta geratuko.

Horrela, 20:54ko denborarekin, Cabo zortzigarren postuan sailkatu da, Ondarroa (4 puntu), Getaria (3 puntu) eta Santurtzi (2 puntu) postu batean atzeratuz.